Meniń Myrzan dosym Kenjebaı bul joly da, asyǵys-úsigis qalpy:

-Áı, Kókbóri, osy sen nege úndemeı qaldyń? Myna jurttyń «Kókbóri eki maıdanǵa da teń jumys isteıdi. Oǵan dálel, osy Jumash, ana jyly Almaty qalalyq ákimdiginde eki ret, opozısıada eki ret jumys istegen adam» degenderi ras sıaqty.

- Iá, Myrzan, munymen ne aıtqyń kelip otyr?

-Bizdiń jas memleketimiz Qazaqstan Reseıdiń qulaqkesti quly bolǵaly qashan? AQSH sanksıalarynan keıin ol kórshimiz shatqaıaqtap-aq qaldy. Bizdiki de «orys ne kórse sony birge kóremiz, ól dese, ólemiz» degendeı olarǵa jalpań qaǵýyn qoıar emes. Kesheden beri orys rýbli qatty álsireı bastap edi, bizdiń ulttyq teńge birden qunsyzdanǵanynyń kýási bolyp otyrmyz. Sen, osy týraly nege jazbaısyń, a?

-Endi jazyp jatyrmyn ǵoı.

- Joq, únsiz qaldyń? Jazǵysh bolsań aıtshy, «Jas Qazaqstan» men «Jańa Qazaqstan» degenniń qandaı aıyrmasy bar?

-«Jasy» - jas, «jańasy» - jańa. Onda turǵan ne bar eken?

-Áı, Kókbóri, áńgimeniń bári osy «jas» penen «jańada» tur emes pe?

-Sonda qalaı?

-Memleketimiz «jas» bolsa, analar nege «Jańa Qazaqstan» quramyz dep eki ókpelerin qolyna alyp ala shapqyn bolyp júr? Onsyz da «jas» memleketten olar qalaısha «jańa Qazaqstan» jasamaq? Osy ıdeıanyń artynda bizdiń «ulylar» men «dókeılerdiń dókeıi» tur degen ras pa? Biz túbi el bolyp qalamyz ba, joq, analar aıtyp júrgendeı «Jańa Qazaqstan» degen  bir memleket» quramyz ba? Olar sonda onsyz da «jas memleketten» - qalaı «jańa Qazaqstan» jasamaq?

-Iá Myrzan, «jas» penen «jańanyń» arasy jer men kókteı me qalaı ózi?..

-Áı, Kókbóri, ótirik bilmegen bolma?- dep telefon qulaǵyn tastaı saldy.

Ar jaqtaǵy telefon birazǵa deıin:

-«Dyń-dyń», «dyń!..»- dep turyp qaldy...

Jumash Kókbóri