Akter bolyp keldiń eken, ómirge, Nurmuhansha!.. tolǵana bil, oınasań!

    Zhazira Baidaly
    Akter bolyp keldiń eken, ómirge, Nurmuhansha!.. tolǵana bil, oınasań!

    Nurmuhan Jantórınge

    Aı kóterip tańdaıyn,
    Mańdaıynan kún ópken.
    Árýaqty Mahambetteı batyrdyń
    Topyraǵyn túletken.
    Úsh qıan emes, 
    Úsh dúnıeni kórip kelseń de
    Nurmuhandaı tektiden asyp kim ótken?!
    Aıdaı álem ań-tań bop,
    Arqalansa, 
    dúnıeniń tula boıy dir etken!
    Shyn ónerdi súıip ótti – Ol, máńgige
    Jumyr jerdiń júregindeı júrekpen!

    Silkip alyp marǵaý-tirlik sanasyn,
    Mańǵaz rýhy kezip ketti dalasyn.
    Óner – deıtin ónegeli ómirdiń
    Ajyratyp, aǵy menen qarasyn,
    Jalǵandyqqa jany qas,
    Qastyǵynyń bári – ras,
    Aqıqattyń arǵa ólshetti baǵasyn!
    Jalǵyz ózi jalǵap jatty osylaı,
    Mahambet pen Beıbarystyń arasyn!

    Tolǵaý-tolǵaý dúnıe ǵoı, tolǵasań...
    Orman-orman oı eken ǵoı, qozǵasań...
    Onyń barlyq bolmysyna jarasar
    San tulǵany sanańa sap somdasań.
    Akter bolyp keldiń eken, ómirge,
    Nurmuhansha!.. tolǵana bil, oınasań!
    Nurmuhansha!.. oılana bil, oılasań! 
    Janarynyń tuńǵıyǵy áıtpese, 
    Tereńine batyrady boılasań...

    Ýa, Nurmuhan, Abyzym,
    Sabyrly ediń, ý quıylǵan ydystaı.
    Jalyndy ediń, qynnan shyqqan qylyshtaı. 
    Altyn basyń - sahnanyń tórindeı
    Qadirli ediń, yntymaq pen yrystaı.

    Daralyǵyń – daraqtaı.
    Danalyǵyń – taýdy qushqan alaptaı.
    Qıalyńnyń qıyr-sheti kórinbes,
    Qusqa bitken qanattaı.
    Segiz qyrly jaýhardaıyn ónerlim,
    Syrǵa tunǵan segiz tutam sadaqtaı. 
    Segiz arys Adaı eli ardaqtap,
    Qadirińe kim jetedi qazaqtaı?!
    Seniń sondaı som altyndaı beıneńdi
    Aıalap óter Alashyń
    Altynmen jazǵan paraqtaı!

    Baqyt Bedelhan

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026