Nursultan Nazarbaev Prezıdent Ákimshiligi basshylyǵymen jınalys ótkizdi. Bul týraly Aqordanyń baspasóz qyzmeti habarlady.
Elbasy jınalys barysynda Prezıdent Ákimshiliginiń jańa basshysy Áset Isekeshevti tanystyrdy.
«Áset Oryntaıuly meniń kómekshim boldy, mınıstr, vıse-premer qyzmetterin atqardy. Sońǵy eki jarym jylda bas qalany basqaryp, astanalyqtardyń kóńilinen shyqty. Ol belsendi pozısıasy jáne kreatıvti oılaýymen erekshelenedi. Bizge keregi dál osyndaı adam. Elordanyń ákimi bolǵan ýaqytta EXPO-2017 kórmesi men Astananyń 20 jyldyq mereıtoıyn joǵary dárejede abyroımen ótkizdik. Áset Oryntaıuly jańa qyzmetin de sátti atqaratynyna senimdimin», - dedi Nazarbaev.
Otyrys aıaqtalarda Qazaqstan prezıdenti Prezıdent Ákimshiliginiń bolashaqtaǵy josparlarymen bólisti. Aldaǵy basty mindet eldegi ekonomıkalyq ósim men halyqtyń jaǵdaıyn jaqsartý ekendigin eskertti.
«Ákimshilik aldynda mańyzdy tapsyrma tur – buǵan deıin qabyldanǵan memlekettik baǵdarlamalardyń sapaly oryndalýyn qadaǵalaýy tıis. Bir aıta keterligi, qazirgi ýaqytta jumys aımaqtyq deńgeıge aýysady, ákimdikterdiń qyzmeti tıimdi túrde úılestirilip, jumyla jumys isteý kerek», - dedi Nazarbaev.
Aıta keteıik, kúni keshe Elbasynyń jarlyǵymen Astana qalasynyń ákimi Áset Isekeshev qyzmetinen bosatylyp, prezıdent ákimshiliginiń basshysy laýazymyna taǵaıyndaldy.
