6 qyrkúıek kúni Almaty qalasynda «31 arnanyń» jańa telemaýsymynyń tusaýkeseri ótti. H mereıtoılyq «Dostar klýby» keshinde «31 arna» jyldaǵy dástúrden jańylmaı, ózi óndirgen biregeı jobalaryn kópshilikke tanystyrdy. Jańa maýsymnyń tusaýkeserine «31 arnany» qoldap qoǵam qaıratkerleri, arna seriktesteri, bir saladaǵy áriptester jáne qazaqstandyq shoý-bıznes ókilderi keldidep jazady Qamshy.kz aqparat agenttigi. 

«31 arnanyń» Bas dırektory Baǵdat Qojahmetovtyń aıtýynsha, arnanyń jańa maýsymy kórermendi sý jańa premeralarmen jáne tól telejobalarmen qýantýdy maqsat tutyp otyr.

«Erekshe maqtanyshpen atap ótkim keletini, bizdiń komanda byltyr bir jyl boıy qol qýsyryp otyrǵan joq. Oǵan ózimizdiń tól ónimderimizden turatyn jańa baǵdarlamalar tizbegi kýá.  Jańa jobalar jasaǵan saıyn kórermenderimizdiń erekshe iltıpatyna bólenip, júrekterine jol tabamyz. Olaı deıtinim, «31 arna», eń aldymen, otbasylyq telearna. Bizdiń arnadan árkim ózine keregin tabady», - dedi «31 arnanyń» Bas dırektory Baǵdat Qojahmetov.

Arnanyń prodúserleri «I’m a Singer Kazakhstan» shoýynyń ekinshi maýsymy, «Bireýdiń áıeli» (Obmen jenamı), «Meniń stılim» (Moı stıl) jáne jyldyń úzdik shytyrman sıtkomy «Kórgen sizder» sıaqty jobalarǵa erekshe ekpin jasaǵan.

9 qyrkúıek kúni «31 arna» jyldyń úzdik mýzykalyq telejobasy - «I’m a singer Kazakhstan» shoýynyń ekinshi kezeńin efırge shyǵarady. Bıylǵy maýsymy burynǵydan da jarqyn, burynǵydan da tartysty bolady dep oılaımyz. Sebebi, prodúserler shoýdyń formatyn túbegeıli almastyryp, baıqaý men kórermenniń daýys berý konsepsıasyna ózgeris engizdi. Al siz, qymbatty kórermen, zamanaýı mýzyka óneriniń jarqyn qubylysyn óz kózińizben kórý baqytyna ıesiz. Bul shoýda túrli janrdaǵy kompozısıalar shyrqalady. Onyń ishinde romanstar men halyq ánderinen bastap, rok-kaverlerdiń hıtteri men álemge áıgili ánderge deıin bar.

 Bıyl «31 arnanyń» saıtyna 4000-nan astam ótinish kelip tústi. Olardyń ishinde Reseıdiń, Ýkraınanyń, Qyrǵyzstannyń, Ázirbaıjannyń, Irannyń, Armenıanyń, Belorýs eliniń oryndaýshylary boldy.

Jańa maýsymnyń basty tusaýkeseri «Kórgen sizder» dep atalatyn komedıalyq telehıkaıa. Jobanyń ereksheligi – oǵan kórermender onlaın-daýys beredi. Sol arqyly olar telehıkaıanyń aptadaǵy sońǵy bólimin ózderi sheshý quqyna ıe bolady. 

«31 arna» bıyl kúzde, sonymen birge, «Bireýdiń áıeli» (Obmen jenamı) dep atalatyn jańa jobany efırge shyǵarmaqshy. Kórermender bul joba arqyly er azamattardyń bir-birimen áıel almastyrǵanyna tájirıbe júzinde kýá bolady. Realıtı-shoý formatyndaǵy telejoba áne-mine degenshe kópshilikke jol tartady. Ol Qazaqstannyń qyz-kelinshekterine armandaryn júzege asyrýǵa kómektesedi. Bul joba otbasyn qalaı qurýǵa, qalaı saqtap qalýǵa bolady, ári tabysty, ári baqytty áıel ataný múmkin be degendeı suraqtarǵa jaýap beredi. 

 Al bıyl óziniń ımıjdik konsepsıasyn ózgertip, jańa stýdıadan, jańa tehnologıamen habar tarata bastaǵan qazaqstandyq televızıanyń úzdik aqparattyq baǵdarlamasy «Informbúro» ádettegideı, eń shynshyl, eń ózekti máselelerdi kóterip, búkil otbasyna paıdaly jańalyqtardy usynady.

«31 arna» kóp jyldan beri kınokórsetilim salasynda da elimizdegi eń úzdik telearna degen atty ustanyp keledi. Bıyl da óziniń ornyn eshkimge bermek emes.    

«31 arnada» TMD elderi arasynda «A» sanatyndaǵy kınokórsetilim premeralarynyń eń úzdik toptamasy bar. Osy maýsymda da kórermendi kóptegen tosynsyılar kútip tur. Biz sizderge álemdik premeralar, múltıplıkasıalar jáne 2018 jyldyń úzdik fılmderin tartý etemiz.

Bılyǵy kúz Sizderge «31 arnamen» birge tamasha kóńil-kúı men kúlki syılaıdy. Sonymen qatar, biz bul maýsymdy «Juldyzdy maýsym» dep atadyq. Álbette, osy ataýdy aqtaý úshin kórermenge oń áser syılaýǵa mindettimiz. «31 arnanyń» jańa jobalaryn asyǵa kútip, jaqsylyqqa umtylaıyq. Elimizdiń eń úzdik otbasylyq arnasymen bir tolqynda bolaıyq.