Óskemendegi Dostyq úıi – qoǵamdyq kelisim ortalyǵynda tilder merekesine arnalǵan jıyn ótti dep jazdy altaynews.kz caıty. Bul jıyn qazaq tiliniń mártebesin kóterýge baǵyttalǵan,
Qýanarlyq jaıt. Sebebi SHQO-da qazaq tiliniń mártebesi aqsap tur. Jastardyń kóbisi orys tilinde sóıleýge qumar ne "shalakazaksha" sóıleýge áýes. Osy sekildi sharalar arqyly eń bolmasa bir stýdenttiń oıyn ózgertip, sózin túzeı alsaq úlken jetistik bolar edi.
Alaıda qazaq tiliniń mátebesi men memlekettik tildiń - qazaq tili ekenin basa nazarǵa alyp, nasıhattalýy kerek jıynda «Rýhanı jańǵyrý jáne áleýmettik-gýmanıtarlyq pánder» kafedrasynyń aǵa oqytýshysy Aıgúl Jırenovanyń orys tilinde baıandama oqýy kóńildegi qýanyshty sý sepkendeı basty. Altaynews.kz saıtynyń jýrnalısiniń aıtýy boıynsha baıandama 15 mınýtqa ǵana sozylǵan. Álde 15 mınýttyq orys tildi baıandama qazaq tiliniń mártebesin kótere me?
Kezinde Reseıdiń bodanynda bolyp, óz tilimizdi, ultymyzdy joǵaltyp ala jazdaǵanymyz ras. Alaıda arada 27 jyldaı ýaqyt ótti ǵoı. Eń bolmasa qazaq tiliniń mártebesin kóterip, mańyzdylyǵyn arttyratyn jıynda Aıgúl Jırenovanyń sózine isi qarsy keletin áreket jasaýyn qalaı túsinýge, qalaı túsindirýge bolady? Sharaǵa qatysqa Shyǵys Qazaqstan memlekettik ýnıversıtetiniń stýdentterge qandaı úlgi kórsetti?
