Partıalyq jańǵyrtý basymdyqtarynyń biri – partıa qataryn sapaly jaqsartý bolyp tabylady. Osyǵan baılanysty partıaǵa qabyldaý jáne múshelerin esepke alý tásilderi qaıta qaralady dep jazady Qamshy.kz aqparat agenttigi. Eger buryn partıa músheleri týraly aqparat tek 2 baǵyt, 22 parametr boıynsha málimetterdi qamtysa, endi 9 negizgi baǵyt boıynsha – 70-ten astam parametrlerdi qamtıdy. Osy jáne ózgede jańashyldyqtar «Nur Otan» partıasy bastaýysh partıa uıymdarynyń qyzmetin jandandyrýǵa arnalǵan tujyrymdama jobasyna engen.

Atalmysh qujatty patıalyqtar tamyz aıynan bastaý alǵan «Bastaýysh partıa uıymdarynyń» aımaqtyq Forýmyndarynda talqylaýda. Osy ýaqytqa  Ońtústik, Ortalyq Soltústik-SHyǵys óńirlerin qamtyǵan, 800-ge jýyq bastaýysh partıa uıym basshylarynyń basyn qosqan forýmdar Shymkent, Qaraǵandy, Pavlodar qalalarynda ótken bolatyn. Endi sońǵy aımaqtyq forým Aqtóbe qalasynda ótti.

Aqtóbedegi alqaly jıynda Mańǵystaý, Atyraý, Batys Qazaqstan jáne Aqtóbe oblystarynan jınalǵan 200-den astam partıalyqtar bastaýysh partıa uıymdarynyń qyzmetin jandandyrýǵa arnalǵan tujyrymdama jobasyn talqylady.

Forým jumysy 4 seksıa boıynsha júrip, ár seksıada partıalyqtar kóterilgen taqyryptar tóńireginde óz usynys, pikirlerin aıtty.

Seksıa jumystaryna «Nur Otan» partıasynyń Hatshysy Tamara Dúısenova jeke qatysyp, aıtylǵan usynystardyń barlyǵy iriktelip, saraptalyp, jyl sońynda Astanada ótetin respýblıkalyq BPU-nyń forýmynda jarıalanatynyn jetkizdi.

Tujyrymdama jobasy bastaýysh partıa uıymdarynyń jumys tásilderin qaıta qurýdy qarastyrady. BPU jumysyn jandandyrý úshin qoldanystaǵy kózqarastar qaıta qaralyp, jańa tásilder, baǵyttar qalyptasady. Bul týraly birinshi seksıada aıtyldy. Seksıa barysynda BPU-nyń qyzmetin bastaýysh partıa uıymy jáne partıa músheleriniń derekter bazasyn ózektendirý, jumystary talqylandy. Sonymen qatar, qatysýshylar partıanyń barlyq qyzmetin sıfrlandyrýǵa, partıa músheleriniń biryńǵaı bazasyn quryp, qujat aınalymyn qysqartýǵa jáne partıa qyzmetiniń tıimdiligin arttyrýǵa baǵyttalǵan «Sandyq partıa» jobasymen tanysty.

Ekinshi seksıada partıa jumysynyń áleýmettik jelidegi tehnologıalary týraly aıtyldy. Bul seksıada partıalyqtar áleýmettik jelide qalaı jumys isteý kerektigin, zamanaýı jańa tásilderdi úırendi.

Úshinshi seksıada shaǵyn jáne orta bıznesti damytý, sıfrlandyrý, «Rýhanı jańǵyrý» sheńberindegi partıalyq jobalardy iske asyrý tásilderi, spıkerlermen jumys jasaý mexanızimderi talqylandy. 

Tórtinshi seksıanyń jumysy partıalyq kadrlar rezervin qalyptastyrý máselelerine arnaldy. Onda partıalyq kadrlyq rezerv qalyptastyrýdyń maqsaty jáne negizi qaǵıdalary túsindirildi. Partıalyq rezervke engen BPU-nyń úzdik tóraǵalary men belsendi partıa músheleri memlekettik organdardaǵy saıası jáne saılanbaly laýazymdarǵa jáne partıalyq organdardaǵy laýazymdarǵa usynylatyn bolady.

- Kelesi jyldyń birinshi qańtarynan bastap «Saılaý» týraly zańǵa engen ózgerister men tolyqtyrýlar óz kúshine enedi. Soǵan sáıkes aýdandyq deńgeıden bastap jergilikti máslıhatqa saılaý partıalyq tizim arqyly ótetin bolady. Al, partıalyq tizim partıalyq kadrlyq rezervten alynýy qajet. Búgin biz forým barysynda partıalyq kadrlyq rezervtyń qalaı qalyptasatyny týraly jáne sol tizimge engen úmitkerlerdi usynýyda kezdesetin kedergilerdi talqylaıtyn bolamyz, - dedi partıa Hatshysy.