7 qyrkúıek kúni Aqtóbede naıb-ımam áıel adamdy jaıaý júrginshiler jolaǵynda qaǵyp ketti dep jazady Qamshy.kz aqparat agenttigi Aktobetimes.kz saıtynyń deregin negizge alyp.
«7 qyrkúıek kúni Aktobe-Orsk avtojolyndaǵy jaıaý júrginshiler jolaǵynda 30 jastaǵy «Lada-Granta» avtokóliginiń júrgizýshisi 57-degi áıeldi qaǵyp ketti. Alǵan jaraqatynan áıel aýrýhanada kóz jumdy», – deıdi Aqtóbe oblystyq İİD-niń baspasóz qyzmeti.
Polıseıler budan basqa málimet bermeı otyr. Qazir sotqa deıingi tergeý amaldary júrgizilip jatyr. Al kórshileri oqıǵany bylaı baıandaıdy:
«Ol áıelmen Komsomol aýdanynda birge turǵanmyn. Keıin Aqtóbege kóship ketken. Jaqsy aralasyp edik. Obal boldy. Ony eski meshit ımamynyń orynbasary qaǵyp ketken. Jerleý rásimine ketetin shyǵyndy ózderi kóterip jatyr eken», – deıdi marqumnyń eski tanysy.
«Nur Ǵasyr» meshitiniń baspasóz qyzmeti oqıǵaǵa qatysty qandaı da bir aqparat berýden bas tartty.
Pikir qaldyrý