Áleýmettik komedıa "Men muǵalim apaımyn" Týrett sındromyna shaldyqqan ustaz týraly baıandaıdy. (bulshyqetterdiń tartylyp, basqarýǵa kelmeıtin is-qımyldardy jáne eriksiz dybys shyǵarýdy týdyratyn júıke júıesiniń buzylýy) Fılmniń basty keıipkeri Nena muǵalim bolýdy bala kezinen armandaıdy. Biraq onyń boıyndaǵy aýrýy kópshiliktiń aldynda ózin erkin sezinetin adamdardyń qatarynan kórinýge múmkindik bermeıdi. Degenmen, óz maqsatyna jetý jolynda eshnárseden qaımyqpaǵan boıjetken, ózgelerge qaraǵanda, qashan da birinshi bolyp kómekke kelýge daıyn.  Ol úshin Nenaǵa ózgerýdiń de qajeti joq, onyń basty qasıeti –onyń qarapaıymdylyǵy.

- Bul tamasha týyndyny kórgen kórermen bıik murat jolyna baǵyttap, júrekterine aldaǵy bolashaqqa degen senimdi uıalata bilgen ulaǵatty ustazdaryn eske alatyndary sózsiz, - dedi «AiN Entertainment» kompanıasynyń ókili Jan Baıqazaqov. 

Fılmdegi basty róldi úndi kınosynyń juldyzy Ranı Mýkerdjı somdady. Aıta ketsek, aktrısa osy róli úshin Melbýrnde ótken festıválde «Úzdik aktrısa» júldesimen marappataldy.

- Jaqynda fılm Shanhaı kınofestıvalinde kórsetildi. Kórermender erekshe yqylas tanytty. Tildik aıyrmashylyǵyna qaramastan túrli elden jınalǵan halyqtyń kóńilinen shyqqan bul oqıǵa kez kelgen qoǵamda túsinikti bolatynyn taǵy da dáleldedi, - dedi kartınanyń prodúseri Manısh Sharma.

Atalǵan kınotýyndynyń álemdik tusaýkeseri ústimizdegi jyly naýryz aıynda ótti. Qyrkúıek aıynyń alǵashqy kúnderinde "Men muǵalim apaımyn" fılmi reseılik ekrandardan kórsetilip, kórermenderdiń ystyq yqylasyna bólendi.

Fılm týraly:

Nena Mathýr alty jasynan Týrett sındromymen aýyrady. Bul aýrýǵa shaldyqqan adamnyń dene músheleri eriksiz jıi tartylady. Tipti ol eriksiz dybys shyǵaryp, ózin basqarýdan qalady. Alaıda, ustaz bolýdy  armandaǵan Nena, óz maqsatyna jetý jolynda neshe márte súrinse de, kedergilerge moıymaı, qıyndyqtardy eńseredi…

Bir aıta keterligi, bul gollıvýdtyq "Synyp aldyndaǵy" fılminiń úndilik remeıki. Ulaǵatty ustaz bolamyn deýshilerge kınonyń bereri mol.