"Astanany sý basty, Nuh paıǵambar, qaıdasyń?" dep Qamshy betinde materıal saldyq. Ázil-shyny aralas, qıalǵa erik beretin materıaldyń maqsaty Astanany sý basý máselesine kópshiliktiń qulaǵy eleńdep, bas kóterýine sebepker bolý bolatyn. Qaıyqqa otyryp, qala aralaǵan eki jigit te esterińizde shyǵar. «Ózimizdi kináli sanamaımyz» degen ekeýi sot zalynan biraq shyqqan bolatyn. Astananyń ishki ister departamenti er adamdardyń qylyǵyn usaq buzaqylyq dep baǵalap, Ákimshilik quqyq buzýshylyqtar týraly kodekstiń 434-babyna sáıkes hattama toltyrǵan boıda ekeýine 5 AEK (árbirine 12 myń 025 teńge nemese 33 dollar) aıyppul salǵany belgili. Mine, búgin  qýanyshty jańalyqpen bóliskeli otyrmyz. Jandos Sadybekov pen onyń dosy qalalyq sottyń sheshimimen kinásiz bolyp tabyldy. Sóıtip ádilettilik jeńdi dep bórkimizdi aspanǵa atyp otyrmyz. Áset Isekeshevtiń ornyna kelgen Baqyt Sultanov áriptesiniń bergen ýádesin oryndaıdy degen úmittemiz.