Jınaqtaý shotyn ashyp, birden sharttyq somanyń 10%-yn depozıtke salǵan adamdarǵa komısıa tólemeı-aq depozıt ashýǵa múmkindik berilip otyr. Al alǵashqy salym retinde sharttyq somanyń 5%-yn shotyna salǵan klıentterge komısıalyq alymǵa  50% jeńildik beriledi. Turǵyn úı qurylys jınaq bankiniń baspasóz qyzmetiniń aıtýynsha, 0,55% kóleminde jınaq shartyn ashýǵa alynatyn qatardaǵy komısıalyq alym ustalynady. Bank erejesi boıynsha, ol 500 AEK-ten az bolmaýy tıis. Bul – 1 mıllıonǵa jýyq teńge. Osylaısha, qazir bank salymshylaryna 2,5 myńnan 5 myń teńgege deıin únem jasaýyna múmkindik týyp otyr. QTQJB-nyń statısıkalyq málimetterine súıensek, salymshynyń shotynda jınaqtaýdy qalaıtyn ortasha qarajaty – 2,2 mıllıon teńge. Bul – depozıt ashý kezinde kóbirek únemdeýge bolady degen sóz. Turǵyn úı qurylys jınaq bankiniń «Depozıt toltyrýǵa bonýs» aksıasy sáýir aıynan bastaldy. Áli 4 aıǵa deıin jalǵasady. Osy kezeń ishinde sharttyq somany kóbeıtkisi keletinder de osy aksıany paıdalana alady. Turǵyn úı qurylys jınaq banki ókilderiniń aıtýynsha, kez kelgen bólimde shot ashýyńyzǵa nemese úıińizge nemese keńseńizge shtattan tys agent-keńesshi shaqyrýyńyzǵa bolady. Depozıt ashý úshin tek jeke kýáligińizdi umytpasańyz bolǵany. Bank qolaıly tarıftik baǵdarlamalar usynady. Olar jınaqtaý merzimine jáne jyldyq 3,5-ten 9,5%-ǵa deıingi paıyzdyq mólsherlemelerine qaraı erekshelenedi.  Sosyn, depozıti bolsa, QTQJB salymshylary tıimdi talaptarmen jyljymaıtyn múlik satyp alady nemese «Qoljetimdi turǵyn úı – 2020» baǵdarlamasyna qatysa alady. Esterińizge sala ketsek, «Qazaqstannyń turǵyn úı qurylys jınaq banki» AQ –  «Báıterek» Ulttyq basqarýshy holdıńi» AQ enshiles kompanıasy.