Qaırat Nurtasty halyqqa tanymal etken "Arman" ánin noǵaı ánshisi óz tilinde beınebaıan túsirip oryndap shyqty.

Qaırat Nurtastyń ánderiniń ishinde alar orny erekshe "Arman" áni jaryqqa 2006 jyly shyqqan bolatyn. Bul án Qaırattyń tólqujaty dep atasaq ta bolady. Sebebi dál osy ánmen ánshi elge tanylyp, búginde halyqtyń súıikti oryndaýshylarynyń birine aınalǵan. Ánniń sózi men áýenin jazǵan Baýyrjan Esebaev.

Alaıda araǵa 9 jyl salyp noǵaıdyń ánshisi Jambýlat Karaev bul ándi aınytpaı noǵaı tilinde shyrqap, ánge beınebaıan túsirgen. Búginde án noǵaı jerinde dál Qazaqstandaǵydaı hıt ánderdiń birine aınalǵan. Tek án ataýynda ǵana ózgeris bar. Iaǵnı án "Arman" emes  "Ianym" dep atalady.

Bul oraıda Karaev "Arman" ánin óz týyndysy retinde oryndap júrgeninen Qaırattyń habary bar ma, ol jaǵy belgisiz.

Búgingi tańda ánshiler kórshiles elderdiń ánin óziniki etip oryndaýy jıi kórinis bolyp ketti.

Esterińizge sala ketsek, biz osyǵan deıin de halyqqa ózgelerdiń ánimentanymal bolǵan otandyq juldyzdar jaıly aıtqan bolatynbyz.