09 Naýryz. Qamshy.kz - Búgin Astanaǵa rsemı is-saparmen Túrkıa Respýblıkasy qurlyq áskerı kúshteriniń bas qolbasshysy Hýlýs Akar keldi.
Túrkıa Respýblıkasy qurlyq áskerleriniń bas qolbasshysy Hýlýs Akarmen kezdesý barysynda QR Qorǵanys mınıstrligi bas shtabynyń basshysy, general-palkovnık Sáke Jasuzaqov Qazaqstan men Túrkıa arasyndaǵy dostyq pen yntymaqtastyqtyń mańyzdylyǵyn aıta kele, eki el arasyndaǵy tarıhı, mádenı tamyrlardyń tereńde jatqanyn atap ótti.
Qazaqstan men Túrkıa Respýblıkasy arasyndaǵy ásker baılanys ornaǵaly biraz jyldyń júzi boldy. Eki eldiń joǵary bas qolbasshylary áskerı joǵarǵy tehnıkalardy tájirbıeden ótkizýde, modernızasıa jáne áskerı qyzmetkerler arasynda tájirbıe almastyrý, áskerı kúshterdi biriktirýde birlesip sharalar atqaryp keledi.
Kezdesý barysynda eki jaqtyń ókilderi áskerı yntymaqtastyqty arttyrý maqsatynda áskerı bilim berý, qolbasshylar men áskerı qyzmetkerler almasý, vzzod jáne rota komandırlerin tájirbıe jınaqtaýǵa jiberý (leıtenant jáne kapıtan) máseleleri sóz etildi.
Sondaı-aq, kezdesý barysynda Túrkıa Respýblıkasy qurlyq áskerleriniń bas qolbasshysy Hýlýs Akarǵa "QR Qarýly kúshterine 20 jyl" medali tabystaldy.
Sonymen qatar, túrik delegasıasy 68665 áskerı bóliminde qonaqta bolyp, Qazaqstannyń qarýly kúshteri qataryndaǵy sarbazarmen kezdesti. Sonan soń, túrik áskerı delegasıasy Astananyń kórikti jerlerin aralap, "Báıterek" monýmenti, "Hazreti Sultan" meshiti, jáne "QR Ulttyq murajaıynda" t.b. tamashalady.
Nurzat Toǵjan
