Ǵalymdar ótirik aıtýdyń densaýlyqqa zıan ekenin anyqtady dep jazady Qamshy.kz aqparat agenttigi islam.kz saıtynyń deregin negizge alyp. Sheteldik ǵalymdar adamdarǵa "densaýlyǵyńyzdy túzegińiz kelse, ótirik aıtýdy doǵaryńyz" dep keńes beredi. Olardyń aıtýynsha, ótirikke úıir adamdar ashýlanshaq keledi, basy jıi aýyryp, qan qysymy kóterilip, júrek aýrýyna shaldyǵady. 

Al sharıǵat turǵysynan qaraıtyn bolsaq, ótirik aıtý - ekijúzdiliktiń belgisi. Islamda ekijúzdilik te, ótirik te kúná bolyp sanalady. 

Al jalǵan sóılep turǵan adamdy qalaı anyqtaýǵa bolady? Adam balasy osyǵan deıin ótirikti anyqtaýdyń túrli joldaryn úsynyp, kóptegen tehnıkany oılap tapty. Al mátinniń lıngvısıkalyq  analız tehnologıasy adamnyń ótirik aıtyp turǵanyn anyqtaýdyń 4 tásilin usyndy. 

1. Ótirik aıtýshylar kóbinese "ol, olar" degen II, III - jaqtaǵy sózderdi qoldanady. Osylaısha ózin aıtqan ótiriginen alys ustaýǵa tyrysady. 
2. Ol kóbine jaǵymsyz sıpatta bolyp keledi. Sebebi sanasynyń túbinde ol ózin kináli sezinedi. Mysaly: "Meniń myna jaman telefonymnyń qýaty sónip qalypty. Telefonymdy jek kóremin", – deıdi. 
3. Olar jaǵdaıdy tolyq túsindirý úshin  áńgime basynda qarapaıym sózderdi qoldanady. Ótirikti tolyq qurastyrýdy maqsat tutady.
4. Sondaı-aq ótirigin bildirmeý úshin uzaq, shubalańqy, túsiniksiz sózderdi aıtady. Sóılem arasyna kereksiz sózderdi jıi qosady. 

Dese de, bireýdiń sizge ótirik aıtyp turǵanyn baıqasańyz, oǵan kúdikpen, jek kórýshilikpen qaramańyz. Kerisinshe, ótirik sóıleý durys emes ekenin aıtyp, túsindirýge tyrysyńyz. "Bir ret ótirik aıtty eken" dep, adamdardyń bárine kúmánmen qaraýǵa da bolmaıdy. Sebebi sharıǵatta bir istiń anyq-qanyǵyn bilmeı jatyp,  kúmánmen qaraýǵa tyıym salynǵan.