Jasaǵan bolashaqqa joryq dep pe em?
Oıymdy ótem búgin bólip kóppen.
Qazaqtyń tarıhynda aqyndar kóp,
Eline mańdaı terin senip tókken.
Keshegi Buqar Jyraý dara dana,
Ár sózin Abylaıǵa erikti etken.
Bar jaıdy bilgennen soń ǵana bulaı,
Yrysyn Qazaǵymnyń tolyqty etken.
Áý bastan hanǵa aıtylǵan shyndyq qana,
Basshynyń árbir isin kórikti etken.
Búgingi zıalynyń túrin kórseń,
Shetinen ózin oılap shógip ketken.
Basshylyq suraı qalsa búlk etpesten,
Jaǵdaıy deıdi jurttyń ońyp ketken.
Aqyly jetkenimen batyly joq,
Salqyny saıasattyń soǵyp ketken.
Imany jurtta qalǵan aǵalardyń,
Mılary metalolom bolyp ketken.

Qazaqtyń az boldy ma zor uldary?
Uqqanǵa shyn ulaǵat sonyń bári.
Tóle bı, Qazybekpen Áıtekeler,
Paryzyn parasatpen oryndaday.
Kesip aıtqan ımandylyq arqasynda,
Tarıhtyń tur ǵoı áne tórinde áli.
Al búgingi bı degen depýtat qoı,
Maǵynasyn uǵynsa onyń daǵy.
Burynǵylar halyqqa jol kórsetetin,
Búgingiler tappaı júr óz jolyn da áli.
Búgingiler bı de emes bıshi de emes,
Bıshik bop tur bıliktiń qolyndaǵy.

Qyrandaı shyrqaı bilsem shalqyp kep bir,
Sóıleıin, Buqarlardan sarqyt bop bir.
Qazaqstandy bir úlken semá desek,
Januıamyz shalshyq bop tur,balshyq bop tur.
Kúıeý balamyz shetelge qashqanmenen,
Kıgeni jibekpenen barhyt bop tur.
Aǵamyzda aqyl joq degenmenen,
Jaıy jaqsy qaryny sharqyt bop tur.
Eleńdep ákemizge qaraǵanmen,
Ol jaqqa da jetpeıtini tártip bop tur.
Úsh júzdiń taǵdyrynan bul kúnderi,
Úsh qyzdyń bolashaǵy artyq bop tur.

Til jaıly tebirenip tolǵaǵanda,
Aqıqat aıtar bolsam qoldar Alla.
Til jyly dep bir kezde at qoıyp ek,
Medeý bola almady-aý ol da janǵa.
Bir jylda tilim qalaı ońyp ketsin?
Osy kúnge jetkenshe ońbaǵanda.
On bes jyl ózge tilde sóılegender,
Óz tilin bul bir jylda qolǵa alar ma?
Jyl emes bir aq kúnde sóıler edi,
Zańymyz munsha saıqal bolmaǵanda.
Apyr-aı bizdiń kemel úkimetke,
Osydan basqa aqyl qonbaǵan ba?
Bir tildi bir jyl boıy úırenetin,
Tilsizder soqyrsha ma sorly adam ba?
Qyryq eki áripti jattaý úshin,
Úsh júz alpys kún kerek pe sonda olarǵa?!

Rınat Zaıtov