Órt saldarynan bes apaly-sińlili qaza bolǵannan keıin alaıaqtardyń jumysy jandana tústi  dep jazady Qamshy.kz aqparat agenttigi sputniknews.kz saıtynyń deregin negizge alyp. 

Astanada bolǵan tragedıa búkil eldi eseńgiretip tastady. Kóptegen qazaqstandyq birden bes balasynan aıyrylyp qalǵan otbasyǵa kómektesýge asyqty. Astana polısıasy órtten zardap shekken otbasyǵa qarajat jınaý kezinde alaıaqtyq jasalýy múmkin ekenin eskertti.

Áleýmettik jeliler men messendjerlerde aqsha aýdarýǵa bolatyn bank kartalarynyń rekvızıtteri kórsetilgen aqparat taraǵany habarlandy.

"Qyraǵylyq tanytýdy suraımyz! Esh ýaqytta belgisiz adamdarǵa aqsha jibermeńiz. Alaıaqtardyń qurbany bolmaý úshin kómek qolyn sozǵysy keletinderdiń barlyǵyn qarjyny resmı esepshotqa jiberýge shaqyramyz", - dep habarlady polısıa departamenti.

Vedomstvodaǵylar qazir qaza tapqan qyzdardyń anasy – Sıter Janymgúl Amangeldiqyzynyń atyna ashylǵan bir ǵana shot bar ekenin atap ótti.

Esterińizge sala keteıik, bir otbasyndaǵy bes balanyń ómirin jalmaǵan órt Astanada Kóktal-1 aýdanynda boldy. Keshe apaly-sińlili qyzdar jer qoınyna tapsyryldy, janazaǵa myńdaǵan astanalyq keldi.   

Usynǵan: Ásel Bolatqyzy