«Qazaq parlamıentinde otyrǵan Kosarev bastaǵan Komýnıstik partıanyń ómir súrýine tyıym salynýy tıis. Óıtkeni Komýnıstik partıa qazaq halqyn qyrǵynǵy usharatty, Onyń genosıdtik qorlyǵyn eshkim de umyta almaıdy», – degen Aımuhanbet Beısembekovtyń pikirin jarıalady  Sapar Aqtıar óziniń feısbýk paraqshasynda.

«1917 jylǵy Qazan tóńkerisinen keıin úkimet basyna Bólshevık partıasy keldi (keıin ol komýnıstik partıa bolyp ózgerdi). Sodan 1991 jylǵa deıin Sovet úkimeti qulaǵanǵa deıin, olar memleket basynda boldy. Komýnıser osy jetpis jyldyń ishinde álemdegi eń alyp memleketti qurdy. Onyń ekonomıkasyn, saıasatyn, ǵylymy men bilimin, óneri men mádenıetin, halyq turmysyn álemdik deńgeıge kóterdi. Oǵan eshkimniń talasy joq!

Al, sol komýnıstik partıa qazaqqa ne berdi?

Qazaqta sovet halqynyń quramynda joǵaryda kórsetilgen sol jetistikterge ortaq boldy. Oǵan da eshkimniń daýy joq! Biraq, ol jetistikti qazaqtyń ashtyq pen qýǵynnan tiri qalǵandary ǵana kórdi.

Endi komýnıstik partıanyń qazaq halqyna kórsetken genosıttik qorlyǵy men zorlyǵyn tizeıik:

1. 1921-1922 jyldardaǵy ashtyqtan 2 mıllıon qazaq qyryldy.
2. 2. 1927-1929 jyldardaǵy qazaqtyń mal-múlkin tárkileý (baı-kýlaktardy joıý) naýqany kezinde jáne osy qoldan jasalǵan ashtyqtan 1931-1932 jyldary 4 mıllıonǵa jýyq qazaq ashtan qyrylyp nemese shet elge aýyp ketti!
3. 3. 1918 jyly qurylyp, Qazaq avtonomıasyn jarıalaǵan Alash partıasynyń músheleri men ony jaqtaǵan qazaq zıalylarynyń barlǵy qýdalaýǵa túsip, 1940 jylǵa deıin túgelge jýyq azap túrmesinde bolyp atyldy!
4. 4. Qazaqtyń sonaý atamzamannan bergi atajurty Edil boıy, Orynbor aımaǵy, Omby aımaǵy Reseıdiń quramyna ketti. Qaraqalpaq, ońtústiktegi Tashkent mańaıy Ózbekstanǵa ketti.
5. 5. 70 jylda qazaq halqynyń 40 paıyzy ana tilinen aırylyp, qazaq tili "qazan-oshaq" tiline aınaldy. Qazaqty óz tilinde sóıleýge namystanatyn "máńgúrttikke" ákeldi!
6. 6. 1949 - jyly qazaqtyń qaq tóri Saryarqadan Semeı atom polıgonyn ashyp, qazaqtyń basyna 40 jyldaı qasiret ákeldi. Qazaqty "opytnyı krolık"(tájirıbe jasaıtyn qoıan) retinde qorlady! Sol zulmattan mıllıondaǵan qazaq áli zardap shegip otyr!
7. 7. Qazaq jerinde "Tyń kóterý" degen jalǵan úndeýmen, bútkil Sovet odaǵynyń túrmelerinen bosaǵan "zekter" men jumyssyz kedeılerdi ákelip, qazaq jerine basqa ulttardy qaptatyp, qazaq ulytyn "orystandyrý" saıasatyn júrgizdi.
8. 8. 1986 jyly Almatyda bostandyq ańsaǵan qazaq jastaryn qyrǵynǵa ushyratyp, oqýdan, jumystan qýyp, túrmelerge otyrǵyzyp, Taıǵaǵa jer aýdardy.

Komýnıstik partıanyń qazaq halqyna jasaǵan qıanatyn áli de jalǵastyra berýge bolady.

Sózdiń qorytysynda aıtpaǵym, qazaq halqyna osynshama qyrǵyn men zobalań, qorlyq pen zorlyq kórsetken "Komýnıstik partıasyn" Qazaqstanda tyıym salýdyń ornyna, olardy qazaq parlamentiniń tórine otyrǵyzý - bul bizdiń bıliktiń sol partıanyń saıasatyn qoldaıtynynyń anyq kórinisi. Sol partıanyń músheleri qazaq halqynyń múdesin qorǵap otyr ma?

Partıanyń lıderi N. Kosarevtiń qazaqqa degen kózqarasy - sol baıaǵy sovettik shovınısik ustanym. Onyń sońǵy kezdegi jaǵdaılarǵa baılanysty  "qyrsyq" pikirleri osyǵan dálel!

Men Qazaqstan azamaty retinde, Komýnıstik parıtıanyń qazaq halqyna jasaǵan tarıhı genosıtiniń negizinde, Komýnıstik partıany Qazaqstanda tirkelýine esh qandaı moraldik jáne adamı turǵydan quqyqtary joq dep esepteımin! Sol sebepti, Qazaqstanda "Komýnıstik partıany" birjolata jabýdy talap etemin! Jáne qazaq halqynan, ásirese jastardan meni qoldaýdy suraımyn!».

 Aımuhanbet Beısembekov, QR Mádenıet qaıratkeri, Qazaqstan jazýshylar odaǵynyń múshesi, profesor.