Ár jyldyń basynda árbir mınıstrlikte alqaly jıyn ótetini birneshe jyldan beri dástúrge aınalyp keledi. Bul jolǵy Densaýlyq saqtaý mınıstrliginiń alqa májilisinde ótken 2018 jyldyń jumystaryna qorytyndy jasalyndy, sonymen qatar, aldaǵy mindetter aıqyndalyp, josparlar bekitildi.

Dástúrge aınalǵan jıynnan biz ne baıqadyq?  Qysqasy, densaýlyq salasynda alǵa jyljý bar. Mınıstr Eljan Birtanovtyń baıandamasynan túısingenimiz, Elbasy Joldaýynda aıtylǵan máseleler júıeli túrde júzege asyrylyp  keledi.  2016-219 jyldarǵa arnalǵan «Densaýlyq»  baǵdarlamasynda aıtylǵan mindetter oryndalýda. Atap aıtar bolsaq, medısınalyq-sanıtarıalyq alǵashqy kómekti (MSAK) júzege asyrý barysynda jumystar jemisti júrgizilip jatyr. Sonymen keńeıtilgen alqa májilisinde nendeı jumystar júzege asyryldy?

1. Respýblıka boıynsha jańadan medısınalyq ýchaskeler ashyldy.
2. Bir jalpy praktıkalyq dárigerge júktemeler azaıdy. Bul kórsetkish 2016 jyly bir dárigerge – 2074 turǵynnan bolsa, 2017 jyly - 1984, 2018 jyly – 1773 bolyp otyr.
3. 40 jastan 70 jasqa deıingi  jas toptarynda skrınıngterdi qamtý deńgeıi keńeıtildi.
4. MSAK qarjylandyrý sheńberinde keshendi jan basyna shaqqandaǵy normatıv 1 turǵynǵa shaqqanda 683-den 819 teńgege  (20 paıyzǵa) artty.
5. Medısınalyq-sanıtarıalyq alǵashqy kómektiń (MSAK) sıfrlandyrý aıasynda dáriger qabyldaýyna onlaın jazba engizildi, osyǵan baılanysty adamdardyń kezegi 2 esege qysqarǵan.
6. Qazirgi kúnge deıin 5,3 myńnan astam medısına qyzmetkeri oqytyldy jáne 2019 jyldyń sońyna deıin 100 paıyz medısına qyzmetkerlerin oqytý josparlanyp otyr,
7. 2019 jyly MSAK qyzmetkerleriniń jalaqysyn kóterý úshin 5,3 mıllıard teńge, jalaqysy tómen medısınalyq uıym qyzmetkerleriniń jalaqysyn arttyrýǵa 27,1 mıllıard teńge bólinetin boldy.
8. «Jedel kómek dárigeri» mamandyǵy boıynsha 340 adamdy oqytý baǵdarlamasy engizildi.
9. Prezıdent tapsyrmasy boıynsha «Halyq densaýlyǵy jáne densaýlyq saqtaý júıesi» Qazaqstan Respýblıkasy Kodeksiniń jańa redaksıasyn qabyldaýǵa qatysty talqylaýlar júrip jatyr. Búgingi deıin 500-den astam usynys túsken.
10. Jyl saıyn dárigerlerdiń de, medbıkelerdiń de jalaqysy ósip keledi. 2018 jyly dárigerlerdiń qolyna tıetin ortasha jalaqysy 142 myń teńgeni qurady.
11. 2018 jyly dárilik zattar men medısınalyq buıymdarǵa 6537 saraptama jasaldy, bul 2017 jylmen salystyrǵanda 18 paıyzǵa artyq.  Sondaı-aq 63 myńǵa jýyq medısınalyq ónimniń qaýipsizdigi men sapasy týraly qorytyndy berildi.
12. Salaýatty ómir saltyn qalyptastyrý jáne «Densaýlyq» baǵdarlamasynyń  nátıjesinde  adamdardyń emhanaǵa barý sany 2 ese azaıdy, kezek kútý 2 ese tómendedi.
13. «Qaǵazsyz aýrýhana» men elektrondy qyzmettiń nátıjesinde dárigerler men pasıentterdiń ýaqyty 50 paıyzǵa únemdeldi.
14. Smartfondar arqyly zertteýler nátıjelerin alý esebinen olardy alý ýaqyty  da 2,5 ese azaıdy.
15. «Qaǵazsyz aýrýhana» jobasynyń nátıjesinde jylyna 3 200 tonna qaǵazdy únemdeldi.
16. Stasıonarlardyń qabyldaý bólimshelerindegi 18 medısınalyq uıymda pılot júıesiniń TRIAJY engizildi.
17. Joldaýdaǵy qoǵamdyq densaýlyqty basqarýdy kúsheıtý týraly Elbasy tapsyrmasyna baılanysty Qoǵamdyq densaýlyq saqtaý ulttyq ortalyǵy  quryldy.

Mine, bul Qazaqstanda densaýlyqty saqtaýdyń 2016-2019 jyldarǵa arnalǵan baǵdarlamasynyń aıasynda júzege asyrylǵan jumystardyń birqatary ǵana. Qalaı aıtqanda da, medısına salasynda alǵa jyljý bar. Muny halyq ta sezinip otyr.

 Eń bastysy,  Prezıdenttiń halyqqa arnaǵan  Joldaýyndaǵy «Qazirgi densaýlyq saqtaý isi qymbatqa túsetin stasıonarlyq emge emes, negizinen aýrýdyń aldyn alýǵa baǵyttalýǵa tıis. Salamatty ómir saltyn nasıhattaı otyryp, qoǵamdyq densaýlyqty basqarý isin  kúsheıtý kerek. Tıimdiligi az jáne memleket úshin shyǵyny kóp dıspanserlik em qoldanýdan negizgi  sozylmaly aýrýlarǵa alystan dıagnostıka jasap, sondaı-aq osy salany ambýlatorlyq emdeý arqyly basqarýǵa kóshý qajet»  degen tapsyrmalary tıanaqty oryndalyp jatyr.  Demek,  muny úkimet pen tıisti mınıstrlikterdiń  durys jumys istep jatqanynyń  nátıjesi dep túsiný kerek.