Ol sırek kezdesetin aýrýmen dúnıege keldi. Onyń qoly da, aıaǵy da joq. Sýǵa batyp óz-ózin óltirmekshi de bolǵan. Sóıtse, sýǵa batpaı qoıypty. Sodan sabaq alyp, ómirge degen qulshynysy artyp, kózqarasyn ózgertipti.

Ol-orator. Ol-motıvator. Ol-4 balanyń ákesi. Ol-Nık Výıchıch. Onyń siz ben bizge aıtary bar. Oqyńyz, kóńilińizge toqyńyz. Ómirge basqasha kózqaraspen qaraıyq! Nıktiń kózimen... Bir sát.

Výıchıch eshnársege qaramastan baqytty bolý úshin uzaq izdendi. Búginde onyń jigeri, erligi dál ózi sekildi jáne on eki múshesi saý adamdarǵa da úmit syılap, ómirge degen qulshynysyn arttyryp júr.

Nık Výıchıchtiń «Shet-shegi joq ómir»  atty kitabynan adamdy jigerlendirip, ómirge degen kózqarasty tıtteı de bolsa ózgertýge septigi tıer birneshe pikirlerin usynamyn. Bul jigittiń aıtary bar.

1. Dos kerek kezde óziń de dos bol. Úmitke muqtaj bolsań, ózgege úmit syıla.
2. Eger esikti eshkim ashpasa, birden birneshe esikti qaq.
3. Bárimiz bir-birimizdiń boıymyzdan jamandy da, jaqsyny da taba alamyz. Biraq men bir túıir altyn izdegendi qup kóremin.
4. Óz áreketterińiz ózińizdi shabyttandyryp, qanaǵattandyratyndaı ómir súrýge tyrysyńyz.
5. Maqsatymyz oryndalyp nemese qandaı da bir zatqa qol jetkizgende baqytty bolamyz dep kútýmen ómir súrý durys emes. Baqyt únemi janymyzda júrgendeı sezinýimiz kerek. Al oǵan qol jetkizý úshin rýhanı, psıhologıalyq, emosıonaldy, fızıkalyq úılesimdilik qajet.  
6. Keıde saýalyńyzǵa birden jaýap alý múmkin emestigin túsinýińiz kerek.
7. Siz óz-ózińizdi qabyldaýǵa daıyn emes bolsańyz, endeshe, ózgeni de qabyldaýǵa daıyn emessiz.
8. Álemde men kezdestirmegen qıyndyq óte kóp. Ózge kóptegen jandardyń ómirine qaraǵanda, ómirim myń ese jaqsy ekenine senimdimin.
9. Kómek suraýǵa bolatynyn jáne kerek ekenin óte erte uqtym. Deneńiz saý ma, emes pe, báribir, biraq jalǵyz ózińizdiń shamańyz kelmeıtin ister barshylyq.
10. Ómirińizdiń sońyna kóz tastap kórýge tyrysyńyz. Sosyn sol mejege jetkende esh ókinish bolmaıtyndaı ómir súrińiz.
11. Seniń qolyńnan ne keledi, ne kelmeıdi, kimsiń, kim bola almaı júrsiń, ol másele mahabbatty qyzyqtyrmaıdy. Shyn mahabbat birden júrekke qaraıdy!
12. Kez kelgen qıyndyqqa tap bolǵanda, odan da bir shattyq tabýǵa tyrys.
13. Álemge degen qarym-qatynasty qashyqtyqtan basqaratyn qurylǵy dep bilińiz. Eger kórip otyrǵan baǵdarlamańyz unamasa, basqarý qurylǵysyn alyp, jaı ǵana telearnany aýystyra salyńyz. Ómirge degen qarym-qatynasta da solaı. Nátıjege kóńilińiz tolmasa, qandaı qıyndyqqa tap bolǵanyńyzǵa qaramastan, sol máselege basqa qyrmen qarap kórińiz.
14. Ózin joly bolmaıtyn bireý dep oılaıtyndar ol — qolyn bir siltep, bas tartqan kezde jetistikke qanshalyqty jaqyn bolǵanyn túsinbegen jandar.
15. Júregiń jaraly bolsa, keremet syrt kelbet túkke turǵysyz.
16. Jaqsylyq jasaý úshin ǵalamat joba qurastyrýdyń qajeti joq. Ózge jan úshin tipti tıtteı istiń ózi mańyzdy bolýy múmkin.
17. Ómirdegi eń keremet qýanyshtyń biri – óz ómiriń men jeke tájirıbeńnen de artyq úlken birnárseniń bir bóligi bolý.
18. Ál-dármeniń qalmaǵan kúızelis kezinde siz kezikken jaǵdaı men ishińizde bolyp jatqan jaǵdaıdyń arajigin ajyrata bilý mańyzdy.
19. Ómirimiz jaqsy bolýy múmkin. Árıne, eger ózimiz sony tańdasaq.
20. Buryn «Nege men? Nege men ǵana osyndaımyn?» dep suraıtynmyn. Biraq qazir «Nege? Nege men emespin?» deımin. 
21. Taǵy bir kún – taǵy bir múmkindik!

Aýdaryp, usynǵan: Maqpal Sembaı