Aqtaýda «Nur Otan» partıasy Mańǵystaý oblystyq fılıalynyń kezekten tys HHH konferensıasy ótti.
Konferensıa oblys ákimi, «Nur Otan» partıasy Mańǵystaý oblystyq fılıalynyń tóraǵasy Eraly Toǵjanovtyń tóraǵalyǵymen ótti. Óz sózinde Eraly Luqpanuly, naýryz aıynda elimizde qoǵamdyq-saıası úlken ózgeris bolǵandyǵyn, Elbasynyń óz ókilettiligin toqtatý jóninde qabyldaǵan sheshiminiń tarıhı mańyzy zor ekendigin jáne búgingi konferensıa Elbasy, «Nur Otan» partıasynyń Tóraǵasy Nursultan Nazarbaevtyń partıanyń kezekti HVIII sezinde júktegen tapsyrmalaryna jáne elimiz úshin óte mańyzdy shara – Qazaqstan Respýblıkasynyń Prezıdenti Qasym-Jomart Toqaevtyń aǵymdaǵy jyldyń 9 maýsymynda kezekten tys prezıdenttik saılaý ótkizý týraly Úndeýine baılanysty ótip otyrǵandyǵyn aıtty.
Qazaqstan Respýblıkasynyń Prezıdenti Qasym-Jomart Toqaev eldegi qoǵamdyq-saıası kelisimdi qamtamasyz etip, alǵa basý úshin, áleýmettik-ekonomıkalyq maqsat-mindetterdi laıyqty júzege asyrý, ishki jáne syrtqy saıasattaǵy sabaqtastyq pen turaqtylyqty saqtaý, Elbasy usynǵan áleýmettik baǵdarlamalardy oıdaǵydaı iske asyrý úshin taǵdyrly sheshim qabyldaǵandyǵyn, Qazaqstan demokratıalyq memleket bolǵandyqtan, Prezıdent halyqtyń tańdaýymen saılanatyndyǵyn, halqymyzdyń aldynda Elbasynyń senimin aqtaıtyn qoǵam qaıratkerin, laıyqty tulǵany saılaý mindeti turǵandyǵyn jáne atalǵan máselelerge oraı, partıanyń aımaqtyq fılıalynyń kezekten tys HHH konferensıasy shaqyryldy degen Eraly Toǵjanov, «Nur Otan» partıasy Mańǵystaý oblystyq fılıaly tóraǵasy birinshi orynbasary bolyp taǵaıyndalǵan Elýbaı Jaqaıuly Ábilovty kópshilikke tanystyryp, Elbasy, partıa tóraǵasy Nursultan Ábishuly júktegen partıalyq jobalardy júzege asyrýǵa kúsh-jigerin jumsaıdy degen senim bildirdi.
Konferensıanyń ókilettilik normasyna sáıkes 27 351 partıa múshesinen 200 delegat saılanyp, olar tolyq qatysty.
Konferensıa jumysyna «Nur Otan» partıasy oblystyq fılıaly Saıası keńesiniń músheleri, partıa ardagerleri, barlyq deńgeıdegi máslıhattardaǵy depýtattyq fraksıalardyń músheleri, jergilikti atqarýshy organdardyń basshylary, bastaýysh partıa uıymdarynyń tóraǵalary men buqaralyq aqparat quraldarynyń ókilderi, «Jas Otan» jastar qanatynyń músheleri qatysty.
Eske sala keteıik Elbasy, «Nur Otan» partıasynyń tóraǵasy Nursultan Nazarbaev aǵymdaǵy jyldyń aqpan aıynda ótken sıeze ınjenerlik-áleýmettik ınfraqurylymdy, perspektıvalyq aýyldardy damytýǵa baǵyttalǵan «Aýyl – el besigi», «Qutty meken», «Halyqqa kómek» jáne «Baqytty otbasy» jobalaryn jarıalap, jańa mindetterdi atap kórsetken bolatyn. Bul rette «Nur Otan» partıasy Mańǵystaý oblystyq fılıaly tóraǵasynyń orynbasary Zvıra Esbergenova baıandama jasady.
Onyń aıtýynsha, atalmysh partıalyq 4 joba týraly 11-13 sáýir aralyǵynda 158 bastaýysh partıa uıymdarynyń jınalystary men 7 aýmaqtyq fılıaldardyń konferensıalarynda keńinen túsindirilgen.
Máselen, birinshi joba «Halyqqa kómek» dep atalady.
Onyń aıasynda óńirdegi qoǵamdyq qabyldaý bólmeleriniń janynan 8 biryńǵaı áleýmettik tereze ashyldy, onda ár azamat ózine yńǵaıly tásilmen (kelý, call ortalyq, elektrondyq poshta arqyly, áleýmettik jeli arqyly) ótinish bildire alady. Ár qabyldaý bólmesinde mobıldik toptar qurylǵan, onyń quramyna memlekettik organdardyń, úkimettik emes uıymdardyń jáne bıznes ókilderi kirdi. Ótinishter «osy jerde jáne qazir» prınsıpimen qaralady. Mańǵystaý oblystyq, qalalyq, aýdandyq fılıalynyń qoǵamdyq bólmelerine jyl basynan barlyǵy 576 aryz –shaǵym kelip túsip, onyń 288-i oń sheshimin tapqan.
Ekinshi mańyzdy joba – «Baqytty otbasy» dep atalady.
Onyń aıasynda «Nur Otan» partıasy Mańǵystaý oblystyq fılıaly janynan qurylǵan Balalardyń quqyǵyn qorǵaý jónindegi jumys tobyn jasaqtalyp, jumys jospar bekitilgen. Quramynda memlekettik organdardyń, oblystyq máslıhat depýtattary, kásipkerler úkimettik emes uıymdardyń ókilderi, partıanyń belsendi azamattary jáne blogerler bar. Atalmysh toptyń músheleri 16 aqpanda Aqtaý qalasy 34 shaǵyn aýdandyǵy Dostyq úıinde kóp balaly jáne jaǵdaıy tómen otbasylarynyń azamattaryn qabyldap, olardyń máselelerin qaraǵan.
«Nur Otan» partıasynyń «Mektep asqanalaryn jańǵyrtý» jobasy boıynsha óńirlik vedomstvoaralyq saraptama toby quryldy. Atalǵan top óńirimizdegi 134 mekteptiń 93-ne monıtorıń júrgizgen. Bul jumys álide jalǵasyn tabady.
Úshinshi joba - «Aýyl – el besigi» degen ataýǵa ıe.
Jobanyń maqsaty – aýyldy áleýmettik-ekonomıkalyq damytýǵa, aýyl turǵyndarynyń kásipkerlik qyzmetin jańǵyrtýǵa jáne olardyń ómir sapasyn jaqsartýǵa jastardyń belsene qatysýyn qamtamasyz etý úshin jaǵdaı jasaý. Bıyl óńirde jalpy 3 kovorkıng ortalyǵy ashylady. Sonyń ishinde Munaıly aýdanynda ashyldy. «Mektep sportzalyn jańǵyrtý» jobasy boıynsha óńirde 5 mekteptiń sport zaly jańartylady. Aqtaýdaǵy – 3 mektep, Munaıly aýdany boıynsha – 2 mekteptegi sport zaldar jańǵyrtylady. Ekinshi – aýyldy kadrmen qamtamasyz etý. Qoldaý sharalaryn jaqsartý esebinen «Dıplommen aýylǵa» jobasynyń aıasynda mamandardy tartý josparlanǵan. Úshinshi – aýylda jastar kásipkerligin damytý. Aǵymdaǵy jyly 2000 jas maman 500 sharýa qojalyǵyna taǵylymdamadan ótý úshin jiberiledi. Taǵylymdama qorytyndysy boıynsha kem degende 500 jasty iri sharýa qojalyqtaryna jumysqa ornalastyrý, agro-óndiristik keshen salasynda keminde 200 jastar jobasyn iske qosý josparlanǵan.
Tórtinshi ulttyq joba – «Qutty meken».
Jobanyń maqsaty – ınjenerlik jáne áleýmettik ınfraqurylymnyń damý barysyna partıalyq baqylaý. Osy maqsatta úsh deńgeıli baqylaý júıesi quryldy. Iaǵnı aýdandar men qalalar deńgeıinde monıtorıńileý toptary jumys istemek. Olar tikeleı obektiniń ózinde baqylaýdy qamtamasyz etedi. Sonymen qatar oblys deńgeıinde máslıhattardaǵy depýtattyq fraksıalar, partıalyq baqylaý komısıalary jáne ózge partıalyq organdar qarajattyń maqsatty jumsalýyna baqylaý júrgizedi, sonymen qatar jaǵdaıǵa taldaý jasap, jergilikti sıpattaǵy usynymdar áirleıdi. Taǵy bir mańyzdy másele, ortalyq deńgeıde jobanyń iske asý barysy týraly memlekettik organdar men partıalyq qurylymdardyń esebi tyńdalady jáne partıanyń respýblıkalyq masshtabtaǵy ustanymy ázirlenedi.
«Osylaısha, jergilikti jerdegi, aýyldardaǵy, aýdandardaǵy jáne qalalardaǵy bizdiń partıalastarymyz turǵyndardyń azamattyq belsendiligin yntalandyrý, azamattardy áleýmettik mańyzdy iske tartý úshin múmkindik alady. Laýazymdy tulǵalardyń arasynda sybaılas jemqorlyqqa, urlyqqa, nemquraılylyqqa qarsy is-qımyldyń tıimdi jaǵdaılary jasalady. Bul degenimiz – búdjet qarajaty maqsatty jumsalmaq. Halyq belgilengen merzimde sapaly jolǵa, turǵyn úıge, komýnıkasıaǵa, ózge de áleýmettik jáne ınjenerlik ınfraqurylymǵa qol jetkizedi», - dedi óz baıandamasynda Zvıra Esbergenova.
Al áleýmettik az qamtylǵan otbasylardyń tabysy men ál-aýqatyn kóterýge baǵyttalǵan partıalyq jobalar týraly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy Batyrbek Ibrashovqa sóz berildi.
Sondaı-aq, sóz sóılegender qatarynda ardager - ustaz, partıa ardageri, ustazdar dınastıasynyń múshesi Láıla Jalǵasbaeva, «Ózenmunaıgaz» kompanıasynyń ınjeneri Juldyz Muhambetqalıqyzy, «Vaınah» sheshen-ıngýsh etno-mádenı birlestiginiń tóraǵasy Kýdýz Bamatgereev, aýylsharýashylyǵy salasynyń ardageri, Túpqaraǵan aýdanynyń qoǵamdyq keńes múshesi, partıa ardageri Nurym Bólekbaev boldy.
Mańǵystaý oblystyq fılıalynyń kezekten tys HHH konferensıasyna usynylǵan máseleler tolyq qaralǵan soń Elbasy, «Nur Otan» partıasynyń Tóraǵasy Nursultan Nazarbaevtyń partıanyń kezekti HVIII sezinde «Aýyl – el besigi», «Halyqqa kómek», «Qutty meken», «Baqytty otbasy» atty partıalyq jobalaryna aıryqsha mán berý kerektigi aıtyldy. Atalǵan partıalyq jobalar aıasynda halyqty alańdatqan ózekti máselelerge qatysty jedel pikir bildirip, elimizde bolǵan kez-kelgen ótkir de ózekti máselelerge birden nazar aýdaryp, olardyń ońtaıly sheshilýine bar kúsh-jigerimizdi jumsaýǵa tıistimiz degen oblys ákimi, «Nur Otan» partıasy Mańǵystaý oblystyq fılıalynyń tóraǵasy Eraly Toǵjanov, sóziniń sońyn Elbasy júktegen osy mindetterdi oryndaýǵa úlken úles qosatyndyǵyna jáne halyq tańdaýyn kórsetetin prezıdenttik saılaýǵa qatysty is-sharalar barysynda jaýapkershilik tanytatyndyqtaryna senimdimin dep sharany qorytyndylady.
