Mańǵystaý oblysynyń ákimi Eraly Toǵjanov Iran Islam Respýblıkasynyń Qazaqstandaǵy Tótenshe jáne Ókiletti elshisi Madjıd Samadzadeh Saber bastaǵan Iran Islam Respýblıkasynyń delegasıasymen kezdesti.
Bul Iran áskerı qyzmetiniń Qazaqstanǵa ekinshi, al jalpy alǵanda aılaqtar men porttarǵa toǵyzynshy sapary. Aqtaý teńiz porty aılaǵynda Iran Islam Respýblıkasy qarýly kúshteriniń Kaspıı flotılıasynyń eki áskerı kemesi úsh kún qatarynan turady.
Óńir basshysy Mańǵystaý oblysyna dostyq-yntymaqtastyq nıetpen kelgen Iran Islam Respblıkasynyń teńiz kúshteriniń Kaspıı flotynyń kelýi biz úshin úlken mártebe ekendigin jáne eki eldiń qarýly kúshterdiń qarym-qatynastaryn nyǵaıtýǵa tolyq múmkindik beretindigin atap ótti.
Mańǵystaý oblysy jalpy Iran Islam Respýblıkasymen sonyń ishinde Mazandaran, Gýlıstan provınsıalarymen tyǵyz qarym qatynasta.
Búginde olysta Iran Islam Respýblıkasynyń qatysýymen ár túrli ekonomıkanyń salalarynda birlesken 15 kásiporyn tirkelgen.
Qazirgi tańda Mańǵystaý oblysy Iran Islam Respýblıkasymen arasyndaǵy 2018 jyly qańtar-jeltoqsan aıynda taýar aınalymy 41,9 mln. AQSH doll. qurady (2017 jyly taýar aınalymy 26,7 mln AQSH doll. qurady.) Onyń ishinde eksport 7,3 mln .AQSH doll. (2017 jyly eksport 2,6 mln AQSH doll. qurady), al ımport 34,5 mln. AQSH doll. quraıdy.
Eksport qurylymy: arpa, pıaz, bıdaı sıaqty azyq-túlik ónimderi, sonymen qatar, munaı-gaz jáne munaı-hımıa salasyndaǵy taýarlar men metaldar, al, Import qurylymy: qurylys ındýstrıasynyń taýarlary, turmystyq qajettik jáne azyq-túlik taýarlary.
2018 jyly 19 qazanda, Mańǵystaýda gýbernator Manaf Hashemı bastaǵan Iran Islam Respýblıkasy Gýlıstan provınsıasynyń basshylary men kásipkerlerdiń resmı kezdesýi ótken bolatyn. Kezdesýdiń nátıjesinde Mańǵystaý oblysynyń ákimdigi men Gýlistan provınsıasy arasynda yntymaqtastyq týraly memorandýmǵa qol qoıyldy.
Madjıd Samadzadeh Saber Iran áskerı teńiz portynyń atynan jyly qarsy alǵany úshin alǵysyn bildire otyryp, Qazaqstannyń áskerı teńiz kúshteriniń kemeleriniń saparyn Iran elinde de qarsy alýǵa daıyn ekendigin jetkizdi. Sonymen qatar, eki memlekettiń joǵary deńgeıdegi saıası basshylarynyń jigeri, ásirese Qazaqstan Respýblıkasynyń Tuńǵysh Prezıdenti Elbasy N.Á.Nazarbaevtyń eki eldiń yntymaqtastyǵyn damytýdaǵy eńbeginiń zor ekendigin atap ótti.
Kezdesý sońynda Eraly Luqpanuly aldaǵy ýaqytta da oblys ákimdigi kez kelgen birlesken bastamalar men is-sharalardy qoldaýǵa daıyn ekendigin jetkizdi.
