Bul – 1993 jyly 25 naýryzda Sýdan elinde bolǵan ashtyq kezinde ataqty ońtústik afrıkalyq fototilshi Kevın Karter túsirgen sýret. Sýrettegi kishkentaı sábı ashtyqtan buralyp, álsirep jolda otyr eken. Onyń artynda kórip turǵandaryńyzdaı kózin qadap, jyrtqysh qus "jemtiginiń" qımylsyz qalýyn kútip otyr. Kevın Karter osy sýretti túsirgen soń sol jerden ketip qalǵan.

Bul foto týyndyny "The New York Times" gazeti satyp alady. Biraq sýret avtory Kevın Karter osy sýretine baılanysty jýrnalıser men oqyrmandardyń ótkir synyna ushyraǵan. Oǵan kóptegen adamdar "Sábı aman ba, oǵan qandaı kómek kórsettiń?" dep suraq  jaýdyryp, sýretińdi "Eki quzǵyn jyrtqyshtyń arasyndaǵy sábı dep ataý kerek" dep kiná artqan. Ol týraly sol kezde "St. Petersburg Times" gazeti: "Bul adam fotoaparatyn tek ólim aýzynda jatqan balany túsirip, keremet týyndy jasaý úshin ǵana qoldanady. Onyń qınalyp jatqan balany ash kózdikpen ańdyp turǵan jyrtqyshtan esh aıyrmasy joq", dep jazǵan.

Iá, bul sýret Kevın Karterge aqsha men ataq ákeldi. Máselen, osy sýreti úshin ol ataqty "Pýlıtser" syılyǵyn aldy. Alaıda osy syılyqty alǵannan keıin úsh aıdan soń Kevın Karter ólim aýzynda jatqan sábıdi qutqarmaǵanyna qatty ókinip, 1994 jyly 27 shildede 33 jasynda ózine-ózi qol jumsaıdy.

Derek kózi: wikipedia.org

Daıyndaǵan: Mıat Káshibaı