"Altyn BMW" kóligin alyp ketpek bolǵan polıseımen julqylasqan, evakýatordyń ústine shyǵyp alǵan qyzdyń áreketi beınelengen vıdeo týraly qalalyq polısıa basqarmasy túsinikteme berdi dep habarlaıdy Qamshy.kz aqparat agenttigi Zakon.kz saıtyna silteme jasap.

"Tártip saqshysynyń formasyndaǵy er adam men áıeldiń jaǵa jyrtysy týraly vıdeomaterıal Almaty qalalyq polısıa departamentinde tolyq zerttelip, nátıjesinde bul rolıktiń jasandy túsirilim retinde jasalǵany jáne polısıa qyzmetkerlerine eshbir qatysy joq ekeni anyqtaldy. Tekserý amaldary barysynda bul rolık ánge túsirilip jatqan beınebaıannyń úzindisi bolyp shyqty", - dep málimdedi qalalyq polısıa departamentiniń baspasóz qyzmeti.

Al prodúserlik ortalyqtyń ókili bul vıdeony túsirýdegi maqsat tártip saqshylarynyń namysyna tıip, qyzmetterin keleke etýdi emes, jol erejesin buzǵan júrgizýshilerdiń osyndaı beıádep qylyqtarǵa baratynyn kórsetkisi kelgenin aıtady.