5-7 maýsym aralyǵynda Shyǵys Qazaqstan oblysynda jáne 6-7 maýsym Jambyl, Túrkistan, Almaty oblystarynda jańbyrǵa baılanysty ózenderde sý deńgeıiniń kóterilýi kútiledi dep habarlaıdy Qamshy.kz aqparat agenttigi "Qazgıdromet" RMK málimetterine súıene otyryp. 

Qazaqstanǵa troposferalyq aǵyndarmen Barens teńizi aımaǵynan dymqyl jáne salqyn aýa túsýin jalǵastyrady. Sondyqtan Qazaqstannyń kóptegen oblystarynda naızaǵaımen ótkinshi jańbyr jáne uıtqymaly jel soǵady.

Respýblıkamyzdyń soltústik jartysynda joǵarǵy sıklonnyń yqpalynan keı jerlerde qatty jańbyr jaýady. Al batys oblystaryna joǵarǵy atmosferalyq qysym taralady, sondyqtan jaýyn-shashynsyz, temperatýra klımattyq normaǵa jaqyn bolady.

6-7 maýsym kúnderi Almaty qalasynyń irgeles aýmaqtarynda nóser jańbyrdyń bolýyna baılanysty, keı jerlerde qatty aǵynnyń qalyptasýy jáne ózenderde sý deńgeıiniń kóterilýi kútiledi.

06 maýsymda bolatyn erekshe meteorologıalyq qubylystarǵa nazar aýdarsaq, Aqmola, Soltústik Qazaqstan oblystarynyń keı jerlerinde tuman, daýyl, jel 15-25 m/s kútiledi, kúndiz burshaq bolýy múmkin. Shyǵys Qazaqstan, Pavlodar oblystarynyń keı jerlerinde jel 15-20 m/s, Shyǵys Qazaqstan oblysynda ekpini 23-28 m/s, kúndiz keı jerlerde daýyl, burshaq jaýady.

Qostanaı oblysynyń keı jerlerinde daýyl, jel túnde keı jerlerde 15-20, kúndiz basym bóliginde 15-20, ekpini 23 m/s kúsheıedi, kúndiz burshaq bolýy yqtımal. Qaraǵandy oblysynyń keı jerlerinde daýyl, burshaq, jel 15-20 m/s kútiledi. Aqtóbe, Túrkistan oblystarynyń keı jerlerinde jel 15-20 m/s, Túrkistan oblysynyń keı jerlerinde daýyl bolady. Almaty, kúndiz Batys Qazaqstan oblystarynyń keı jerlerinde jel 15-20 m/s kútiledi, Almaty oblysynyń keı jerlerinde kúndiz burshaq bolýy múmkin.

Kúndiz Qyzylorda oblysynyń keı jerlerinde shańdy daýylmen, jel 15-20 m/s deıin kúsheıedi. Jambyl oblysynyń keı jerlerinde daýyl bolady, jel 15-20, kúndiz ekpini 23-28 m/s, oblystyń ońtústik-batysynda 30 m/s kúsheıedi.

Mańǵystaý oblysynda kúndiz qatty ystyq saqtalady.