Almaty oblysynda jolaýshy áıelderdi tonady degen 27 jastaǵy kúdikti ustaldy dep habarlaıdy Qamshy.kz aqparat agenttigi óńirdiń polısıa departamentine silteme jasap.

3 maýsymda polısıaǵa Qyzyljar aýylynda turatyn áıel shaǵym túsirdi. Onyń aıtýynsha, taksı júrgizýshisi tonap, zorlamaq bolypty. Qaskúnem telefon men 92 myń teńgeni tartyp alǵan eken.

Tártip saqshylary izin sýytpaı kúdiktini qolǵa túsirdi.

"Tekseris barysynda ustalǵan azamattyń taǵy bir qylmysqa qatysy bar bolyp shyqty. Ol bıyl mamyrda Esik qalasynda turatyn jas qyzdy tonaǵan. Eki jaǵdaıda da kúdikti áýeli áıelderdi zorlamaq bolypty, biraq olar qatty qarsylyq kórsetken soń, jábirlenýshilerdiń áshekeı buıymdary, uıaly telefondary men aqshalaı qarajatyn tonap ketken", - dep habarlady vedomstvo.

Qazir er adam ýaqytsha ustaý abaqtysynda otyr. Tergeý barysynda onyń basqa qylmystarǵa qatysy bary anyqtalady.