Qanat Islam bastaǵan «QAZAQ promotions» promoýterlik uıymy «El-
Nesibe» Qaıyrymdylyq qory» Qoǵamdyq qory arqyly 8 balasy bar
jalǵyz basty kópbalaly anaǵa 2 bólmeli páter syılady.
Páter Nur-Sultan qalasynyń oń jaǵalaýynda Saryarqa aýdanynda
ornalasqan. Syılanǵan úı kópbalaly otbasyǵa yńǵaıly bolýy úshin
irgesinde ornalasqan mektep jáne balabaqshanyń jaqyndyǵyna oraı
arnaıy tańdaldy. Sondaı-aq, páterdiń ishi turmysqa qajetti barlyq
tehnıkalarmen, tósek-orynmen tolyq jabdyqtalǵan.

Páterdiń kiltin jalǵyzbasty ana Gúlshat Baıadilovaǵa qazaq kásipqoı
boksynyń jaryq juldyzy, WBO Inter-Continental chempıony, qazaqtyń
qaısar uly Qanat ISLAM ózi tapsyrdy. Kópbalaly otbasy sońǵy
sekýndtarǵa deıin baspanaly bolatynyn, onyń kiltin qazaqtyń
maqtanyshy Qanat Islam tapsyratynyn bilmegen. Barlyǵy qupıa retinde
saqtalyp, ómirde kóptegen qıyndyqtarǵa kezdesip, moıymaǵan anaǵa tosyn
syı jasaý úshin «El-Nesibe» Qaıyrymdylyq qory» Qoǵamdyq qorynyń
ókilderi arnaıy uıymdastyrǵan.

Gúlshat Baıadilova– jalǵyzbasty ana, «Kúmis alqa» ıegeri. 8 balany
ómirge ákelip, baǵyp, er jetkizgen. Balasynyń aldy turmys quryp, jeke
otbasy bolyp otyr. Ekinshi balasy naýqas, qarjynyń tapshylyǵynan
medısınalyq kómek ýaqytyly kórsetilmegendikten, naqty dıagnozy
anyqtalmaǵan. Úshinshi balasy kolej stýdenti, al qalǵan 5 balasy
mektep oqýshylary. Osy ýaqytqa deıin jer úıdiń aıadaı bir bólmesin
panalap kelgen. Páterge tóleıtin qarajaty bolmaǵandyqtan, záýlim
kotejdiń qysta otyn jaǵyp, jazda kúlin tógip, aýlany tazalap, basqa da
jumystar istegeni úshin tegin turǵan. «Klýb dobrákov» kómek retinde,
holodılnık, tósek, dıvan, gaz plıta ákelip bergen. Oǵan deıin jerge
jatyp júrgen eken.

Baspananyń zardabyn tartyp kelgen januıa jaǵdaıy týraly bilgen «El-
Nesibe» Qaıyrymdylyq qory» Qoǵamdyq qorynyń ókilderi jan-jaqtan
kómek surastyra júrip, qazaqtyń jomart peıildi jaýjúrek uly Qanat
Islamǵa osy jaıdy jetkizedi. Bylǵary qolǵap batyry Prezıdenti
Qasym-Jomart Toqaevtyń tikeleı qoldaýymen 5-shildede Almatyda
ótken «Qanat Islammen boks keshi» atty sharadan jınalǵan qarjynyń bir
bóligine kóp balaly otbasyǵa baspana alyp berýdi uıǵarǵan.
Anyqtama: «El-Nesibe» Qaıyrymdylyq qory» Qoǵamdyq qory
23.04.2019 jyly tirkelgen. Bastaýyn 2017 jyldyń 22 naýryzynan
«Nurly júrek» eriktiler qaıyrymdylyq tobynan alady. Osy ýaqytqa
deıin 21 otbasyǵa qarjylaı jáne materıaldyq kómek kórsetildi.
Olardyń ishinde 4 otbasyǵa kómek turaqty túrde kórsetilýde. Qor tek
Nur-Sultan qalasy ǵana emes, Semeı, Óskemen, Qaraǵandy, Shymkent
qalalarynda da muqtajdarǵa qolyn ushyn sozýda. Semeı qalalyq Jaıdarman KVN odaǵymen «Qaıyrymdylyqqa baǵyttalǵan joba», Nur-
Sultan q. Ákimdiginiń Rýhanıat KMM júıeli túrde aı saıyn «Meıirimdi
qala» Qaıyrymdylyq fýtbolyn uıymdastyrady.

QAZAQ PROMOTIONS sportshylardy - jańadan bastaýshylardy da,
kásipqoılardy da jarnamalaýmen; ártúrli kategorıalar men
deńgeılerdegi týrnırlerge kúreskerlerdi irikteýmen aınalysady. Tolyq
qoldaýymen boks jáne kıbersport boıynsha iri týrnırler
uıymdastyrady.

QAZAQ Promotions - QPTV-niń bas seriktesi. QPTV - bul kez-kelgen
gadjetterden, sonyń ishinde smart teledıdardan, oıyn konsolderinen,
kompúterlerden jáne t. b. sporttyq jáne kıber-sporttyq onlaın
translásıalardy kórýge jańa múmkindik. Qptv strımıngtik
platformasy búkil álem boıynsha, sonyń ishinde Qytaı Halyq
Respýblıkasynda da bir ýaqytta 200 mıllıonnan astam
paıdalanýshylardy taratýǵa qabiletti.