Ónerge jasalǵan qastandyq. Eki el arasyndaǵy bitispes jaýlastyq. Ábish Kekilbaevtyń "Kúı" povesiniń jelisine qurylǵan spektáklde rejıser osyny sahnalaǵan.  Jazýshynyń qos shyǵarmasynyń basyn qosyp mańǵystaýlyq rejıser Gúlsına Mırǵalıva "Kúı" premerasyn usyndy.  Shyǵarma kórermenge tolyqqandy tuńǵysh ret jazýshynyń 80 jyldyǵy qarsańynda usynylyp otyr. Buǵan deıin Qazaqstannyń ózge teatrlary sahnalaǵanymen, Mańǵystaý jerinde alǵash ret qoıyldy. Premerany Nurmuhan Jantórın atyndaǵy Mańǵystaý oblystyq mýzykalyq drama teatry usyndy.

Kórshiles eki el arasyndaǵy óshpendilik. Daý men kek. Máńgúrtke aınalǵan tutqyndar. Qoıylym jelisi osylaı órbıdi. Spektaklden kórermen qıly zamandarda ómir súrgen halyqtyń  taǵdyryn kóre alady. Qoılymnyń basty ereksheligi, munda rejıser jazýshynyń eki shyǵarmasyn biriktirgen. Tańdalǵan eki shyǵarmada da óner ókiline jasalǵan qysastyq bar. Onyń biri- "Kúı" povesindegi kúıshi bolsa, ekinshisi "Ańyzdyń aqyry" romanyndaǵy sheberge jasalǵan ozbyrlyq.  Rejıser bul qoılymy arqyly -dala daryndaryna eskertkish qaldyrýdy kózdegen.

-Á. Kekilbaevtyń "Kúı" povesimen qoıylǵan jáne "Ańyzdyń aqyry" romanynyń sújetin,  "Aqsaq temirdiń" sújetin, "Sheberdiń" sújetin qostyq. Janry drama dep oılaýǵa bolady. Men ıllústraýıa dep atadym. Óıtkeni kitap oqyǵandaı áser beredi. Kekilbaevtyń sózin joǵaltpaı, sahnadan aıtyp turmyz, deı   di  N. Jantórın atyndaǵy Mańǵystaý oblystyq mýzykalyq drama teatrdyń rejısery Gúlsına Mırǵalıeva.

Oqıǵa túrkmen Jóneıt, kúıshi , dýtarshy arasynda órbeıdi. Túrkmen men qazaqtar arasyndaǵy kezekti bir soǵysta túrkmen batyry, Jóneıttiń inisi Kókbóri qaza tabady. Al kek alýǵa túrkmen jaǵy soǵys úshin jaralmaǵan uly Dýtarshy Dáýletti jumsaıdy. Bul-Dáýlet úshin sońǵy shaıqas boldy. Biraq túrkmen jaǵy dáýlettiń quny dep, qazaq kúıshini qolǵa túsiredi. Óner úshin jaralǵan jan tutynda júrse de kúı tartýyn qoımaıdy. Sheber oryndaǵany sonsha qatygez Jóneıttiń ózi erip keterdeı bolady. Qoılymnyń basty keıipkeri túrkmen Jóneıtti –Kenjebek Basharov somdaǵan. Kúıshi rólin- Nursultan Jeksenbaev alyp shyqsa, Dýtarshy Dáýletti - Islam Esjan oınap shyqty. 1 saǵat 20 mınýtqa sozylǵan qoılymǵa teatr ujymy aılap ázirlengen. Eńbek aqtaldy , tyń týyndy kópshilik kóńilenen shyqty.

Teatr ujymy buǵan deıin Ábish Kekilbaevtyń «Abylaı han», «Shyńyraý» shyǵarmalarynyń jelismen spektakl usynǵan. Keler aıda «Bir shókim bult» qoılymynyń premerasy kórermenge jol tartpaq.