Aqtaý qalalyq kásipkerlik jáne aýyl sharýashylyǵy bólimi arqyly 11 túrli memlekettik qyzmet kórsetiledi. Sonyń biri – aýyl sharýashylyǵy jáne arnaıy maqsattaǵy tehnıkalardy, sondaı-aq olardyń tirkemelerin jyl saıynǵy mindetti tehnıkalyq baıqaýdan ótkizý qyzmeti.

Atalǵan qyzmet «E-lısenzıa» memlekettik derekter qory arqyly elektrondy formatta júzege asyrylady. Bul azamattardyń ýaqytyn únemdeýge jáne qyzmet alýdyń qolaılylyǵyn arttyrýǵa múmkindik beredi.

Memlekettik qyzmetti alý úshin qajetti qujattar:

1. E-lısenzıa aqparattyq júıesi arqyly elektrondyq ótinish berý;
2. Kólik quralynyń tehnıkalyq qujatynyń (tehpasport) kóshirmesin tirkeý.

Aıta keteıik, 2025 jyldyń qańtar-qazan aılary aralyǵynda Aqtaý qalalyq kásipkerlik jáne aýyl sharýashylyǵy bólimi 327 tehnıkany elektrondyq formatta tehnıkalyq baıqaýdan ótkizdi. Onyń ishinde:
- 162 jeke tulǵaǵa,
- 165 zańdy tulǵaǵa memlekettik qyzmet kórsetildi.

- Memlekettik tehnıkalyq baıqaý prosesi «e-lısenzıa» arqyly júzege asyrylady, ótinish berýshi qajetti qujattardy tirkep, onlaın túrde qyzmet ala alady. Sonymen qatar, barlyq prosester zańǵa sáıkes ashyq jáne júıeli túrde júrgiziledi, — dedi Aqtaý qalalyq kásipkerlik jáne aýyl sharýashylyǵy bólimniń bas mamany Zýhra Bermaǵanbetova.

Aqtaý qalasy ákimdiginiń baspasóz qyzmeti