Búgin 8 jeltoqsan kúni Aqtaý ákimdiginde kópbalaly analardy marapattaý rásimi ótti. Saltanatty shara barysynda qala ákiminiń orynbasary Bekzat Júsip kópbalaly analarǵa «Altyn alqa» jáne «Kúmis alqa» tósbelgilerin tabystap, olardyń qoǵamdaǵy erekshe orny men urpaq tárbıesindegi eren eńbegine joǵary baǵa berdi.

- Sizderdiń eńbekterińiz dúnıege ákelgen bala sany arqyly emes, sol perzentterdiń erteń qoǵamǵa qosatyn úlesimen, memleketimizdiń bolashaǵyna atqaratyn qyzmetimen baǵalanady. Sondyqtan sizder tárbıelep otyrǵan árbir bala – eldiń erteńi, bizdiń bolashaǵymyz. Qazaqta «Ana – ómirdiń bastaýy, tárbıeniń mektebi» deıdi. Sol sebepti sizderdiń eńbekterińiz zor, biz ony úlken qurmetpen baǵalaımyz. Dúnıege ákelip, kóz qýanyshyna aınalǵan sábılerińiz aman bolsyn, ǵumyr jastary uzaq bolsyn, – dedi qala ákiminiń orynbasary.

Marapattaý rásimi aıasynda 7 ana «Altyn alqa», al, 33 ana «Kúmis alqa» ataǵyn ıemdendi. Óz kezeginde mereıi artqan analar atynan alty balanyń anasy, «Kúmis alqa» ıegeri Gúljazıra Sabytaeva memleket tarapynan kórsetilip otyrǵan qoldaý men qurmet úshin rızashylyǵyn bildirdi.

Aqtaý qalasy ákimdiginiń baspasóz qyzmeti