«Nur Otan» partıasy tóraǵasynyń birinshi orynbasary Baýyrjan Baıbek facebook paraqshasynda jýrnalıserdi kásibı márekesimen quttyqtady.

«Qurmetti jýrnalıser!

Buqaralyq aqparat quraldary qyzmetkerleri kúni – kásibı merekesiniń qarsańynda dástúrli túrde «NUR SUNQAR» respýblıkalyq konkýrsyn osymen 11-shi ret ótkizip otyr.

Búginde bul syılyq jýrnalıser qaýymy arasynda bedeldi de tanymal marapatqa aınaldy. «NUR SUNQAR» – medıa-qoǵamdastyq qyzmetkerleriniń elde júrip jatqan reformalardy qoldaý, qoǵamdyq mańyzy bar jobalardyń tabysty atqarylýy jáne halyqtyń keri baılanysyn qamtamasyz etý boıynsha sińirgen eńbegi men úlesin baǵalaýdyń bir kórinisi.

Konkýrstyq komısıa bıyl birneshe jańa nomınasıa belgilep otyr. «Alǵy shep» – Tótenshe jaǵdaıdy jarıa etý boıynsha qajyrly eńbegi úshin», «Biz birgemiz» – volonterlik jumys týraly úzdik jarıalanym», «Partıanyń «qaıta jandanýy» boıynsha úzdik materıal» nomınasıalary.

Jalpy 135 ótinim jáne 355 materıal berildi.

Qurmetti dostar!

Pandemıaǵa baılanysty qalyptasyp otyrǵan qazirgi jaǵdaı bizdiń saltanatty sharany ótkizý jónindegi josparymyzdy túbegeıli ózgertti. Bıyl bizge partıalyq syılyqty saltanatty túrde tapsyrý rásiminen bas tartýǵa týra kelip otyr. Bul – amalsyzdan jasalyp otyrǵan qadam. Buǵan barsha qatysýshylar túsinistik tanytady dep senemin.

Partıamyzdyń Lıderi, Elbasy Nursultan Nazarbaev árdaıym jýrnalıserdiń shyǵarmashylyǵy elimiz ben halqymyzdyń ıgiligine baǵyttalǵan izgi isterge uıytqy bolýyn qalady. Sondyqtan da konkýrstyq komısıa el damýynyń ózekti máselelerin jaryqqa shyǵarýǵa eleýli úles qosqan úzdik sóz zergerlerin iriktep aldy. Jeńimpazdardyń esimderi beınerolıkte berilgen.

Partıanyń atynan jáne jeke óz atymnan «NUR SUNQAR – 2020» syılyǵynyń jeńimpazdaryn laıyqty marapattarymen quttyqtaımyn! Buqaralyq aqparat quraldary qyzmetkerleriniń kásibı merekesi – Jýrnalıser kúni qutty bolsyn!

Barshańyzǵa myqty densaýlyq, baq-bereke jáne shyǵarmashylyq mol tabys tileımin!» delingen Baýyrjan Baıbek jazbasynda.