Almaty qalalyq balalar juqpaly aýrýlar klınıkalyq aýrýhanasynyń epıdemıology Baıansulý Tabınova megapolıs aýmaǵynda júrgiziletin dezınfeksıalyq jumystardyń qajettiligi týraly aıtyp berdi.

Onyń pikirinshe, júrgizilgen dezınfeksıa koronavırýs ınfeksıasynyń taralýyn jáne pnevmonıa túrindegi aýrýdyń asqynýlaryn azaıtady.

«Elimizdegi qaýipti epıdemıaǵa baılanysty dezınfeksıa belsendi túrde júrgizilýde. Tazalyq jumystary kóbine qoǵamdyq kólikterde, saıabaqtarda, oıyn alańdarynda, ıaǵnı, qoǵamdyq oryndarda jasalyp jatyr. Dezınfeksıanyń eń basty mańyzy - vırýstyń adamdar arasynda taralýyn boldyrmaý jáne patogendik mıkroorganızmderdi joıý bolyp tabylady», — dep tolyqtyrdy Baıansýlý Tabınova.

Dezınfeksıa jasaý úshin tek Qazaqstan Respýblıkasy jáne Keden odaǵy elderi aýmaǵynda qoldanýǵa ruqsat etilgen preparttar ǵana paıdalanylatynyn maman aıtyp ótti. Dezınfeksıalyq eritindi qatań nusqaýlarǵa sáıkes daıyndalady.

Sondaı-aq qoǵamdyq oryndarda júrgizilip jatqan tazalyq jumystary- vırýstyń taralmaýyna tikeleı áser etetindigin aıtty.

«Dezınfeksıa – vırýsty pnevmonıany týdyrmaıdy, óıtkeni ol vırýsty pnevmonıany týdyratyn vırýs qozdyrǵyshtaryn joıady. Qazirgi zamanaýı dezınfeksıa jasaıtyn quraldar qaýiptiligi jaǵynan 4-shi topqa jatady. Bul- eń tómen qaýipti bildiredi. Sondyqtan bul adam jáne janýarlar ómirine qaýipsiz ekendigin aıtqym keledi», — dedi Baıansulý Tabınova.

Koronavırýs ınfeksıasynyń taralýyn aldyn alý maqsatynda, Almaty qalasynyń qoǵamdyq oryndarynda keń kólemdi dezınfeksıa júrgizilip jatqandyǵyn esterińizge sala ketkemiz keledi.