Biz sabyrmen karantın sharalaryn saqtap, bir-birimizge qurmetpen qaraýymyz kerek. Almaty ımamdary qaýipsizdik erejelerin ustanýǵa shaqyrady.

Almaty qalasynyń Bostandyq aýdanynyń «Baıken» meshitiniń bas ımamy Danıar Jumabaev Almaty qalasynyń óńirlik komýnıkasıalar qyzmetiniń alańynda ótken onlaın-brıfıng barysynda aýdan turǵyndaryn bas memlekettik sanıtar dáriger belgilegen talaptardy saqtaýǵa shaqyrdy.

«Búginde karantın sharalaryn saqtaý maqsatynda birqatar mekemeler, sonyń ishinde meshitter de óz qyzmetterin toqtatty. Bul sharalar qaýipsizdik úshin, turǵyndardyń densaýlyǵy jáne osy kezeńnen oıdaǵydaı ótip, ózimizdiń qalypty ómir saltymyzǵa oralý úshin qolǵa alynǵan», — dedi Danıar Jumabaev.

Almaty qalasynyń bas memlekettik sanıtar dárigeriniń qaýlysyna sáıkes, Almatyda 2020 jyldyń 31 shildesi men 2 tamyz aralyǵynda Qurban aıtty merekeleý kezinde koronavırýs ınfeksıasynyń taralýynyń aldyn alýda tyıym salynǵan:

1)jekemenshik formasyna qaramastan, uıymdarda, sonymen birge, jeke ıeliktegi úı-jaılar men medreselerde adamdardyń jappaı jınalýymen sharalardy ótkizýge;

2)Almaty qalasynyń aýmaǵynda mal soıysyn uıymdastyrýǵa jáne soıýǵa; avtokólikterde mal satýǵa jáne jeke ıeliktegi úı-jaılarda mal satýǵa.

31 shilde men 2 tamyz aralyǵynda maldardy satýdy júzege asyratyn soıý sehtary men bazarlardyń jumysy toqtatylady, qurbandyq shalý onlaın rejımde Almaty qalasynyń Ortalyq meshiti bekitken oryndarda júrgiziledi.

Epıdemıologıalyq qyzmet málimetterine sáıkes, qala turǵyndarynyń arasynda koronavırýs ınfeksıasynyń taralýyn boldyrmaý úshin maska rejımine, áleýmettik qashyqtyqty saqtap, terige arnalǵan antıseptıkterdi qoldaný kerektigin eske salamyz. Sonymen birge, adamdar kóp baratyn oryndarǵa barmaý keńesi usynylady. Sondaı-aq, qalada aýqymdy túrde dezınfeksıa júrgizilýde.