Almaty polısıasy: myńnan astam adamǵa karantın normalaryn saqtamaǵany úshin aıyppul salyndy. Bul týraly qala ákimdiginiń baspasóz qyzmeti habarlady.

Azamattardyń sanıtarlyq-epıdemıologıalyq salaýattylyǵy salasyndaǵy zańnamanyń, sondaı-aq gıgıena standarttarynyń saqtalýyn baqylaý maqsatynda Almaty qalasynda Ákimdik, SES jáne polısıa qyzmetkerleriniń arasynan arnaıy monıtorıńtik toptar quryldy. 5 shildeden bastap QR ÁQbK-niń 425-babyna sáıkes ákimshilik jaýapkershilikke 1 myń 022 adam tartyldy, olardyń 90-y ótken kúni anyqtaldy.

«Azamattardyń kóp keletin oryndary, qyzmet kórsetý, tamaqtaný oryndary jáne t. b. únemi tekserilip otyrady. Sonymen qatar, sanıtarlyq dárigerdiń talaptaryna sáıkes kelmeıtin massaj, sulýlyq salondary, barlar, meıramhanalardy anyqtaý boıynsha jedel bólimsheler jumys isteıdi. Arnaıy reıdter barlyq jerde jáne turaqty negizde júrgizilip otyrady», — dedi, Almaty qalalyq PD Jergilikti polısıa qyzmeti Basqarmasynyń bastyǵy, polısıa polkovnıgi Manap Sattarov.