Almaty qalasy ákiminiń tapsyrmasy boıynsha tósek-oryndar sanyn arttyrý qajettiligine baılanysty ortalyqtyń salynyp jatqan jańa nysany arnaıy áleýmettik qyzmet kórsetetin birinshi eshelonnyń ınfeksıalyq stasıonary retinde qaıta beıimdeletin bolady.

B. Saǵyntaev kún saıyn fýnksıonaldy gospıtáldegi jóndeý jáne árleý, josparlaý jumystarynyń qalaı júrip jatqanyn tekserip otyrady. Munda naýqastar palatalary, jansaqtaý bólimi, PTR testileýden ótkizetin zerthana ári medısınalyq qyzmetkerlerdi daıarlaıtyn jáne qaıta daıarlaıtyn ortalyq bolady. Iaǵnı, zamanaýı medısınalyq quraldarmen jabdyqtalǵan jeke medısınalyq mekeme qurylady.

Eske salsaq, búgingi kúni Almatyda COVID-19-ben kúreske 27 meduıymdar jumyldyrylǵan. Tósek-oryn qorynyń jalpy sany alty myń orynnan asady. Al, tósek-orynnyń paıdalanylýy 90-nan 50 paıyzǵa deıin tómendegen.

Qazirgi kezde kúzgi-qysqy maýsymda bolýy múmkin pandemıanyń jańa tolqynyna daıyndyq barynsha qarqyndy júrýde. Sondyqtan birinshi eshelondaǵy ınfeksıalyq stasıonarlarda tósek-oryn (aýyr jaǵdaıdaǵy naýqastar úshin) sany taǵy 1015 orynǵa artatyn bolady.