Pavlodar oblysynda jeńil avtokólik traktor tirkemesimen soqtyǵysyp, bes adam qaıtys boldy. Bul týraly oblystyń polısıa departamentiniń baspasóz qyzmeti habarlady.
Departamenttiń málimetinshe, oqıǵa qazannyń 3 kúni saǵat 21:10-da Aqtoǵaı aýdany Aqtoǵaı-SHolaqsor avtojolynyń 63-shaqyrymynda bolǵan.
"VAZ-21041 avtokóliginiń 43 jastaǵy júrgizýshisi MTZ traktorynyń tirkemesimen soqtyǵysqan. Traktordyń rólinde 47 jastaǵy júrgizýshi otyrǵan. Saldarynan jeńil kóliktiń júrgizýshisi men salondaǵy tórt jolaýshy oqıǵa ornynda kóz jumdy" delingen departament taratqan habarlamada.
Qazirgi ýaqytta Sot medısınalyq saraptama taǵaıyndap, tekseris jumystaryn júrgizip jatyr.
Pikir qaldyrý