Belorýs prezıdenti Aleksandr Lýkashenko shetel saıasattanýshylaryna bergen suhbatynda Belarýstegi oqıǵalar postkeńestik keńistiktegi basqa elder úshin mańyzdy sabaq bolýy kerek ekenin aıtyp, Qazaqstandy eshqandaı jaǵdaıda "erkinsip ketpeýge" shaqyrdy.

Kezdesý barysynda ol álemniń ártúrli aımaqtaryndaǵy oqıǵalar tizbegi týraly aıtty.

Onyń sózinshe, AQSH barlyq jerde prezıdent saılaýyna aralasyp keledi.

– Ol týraly ne deıin! Qazaqstan ondaı jaǵdaıdyń birazyn basynan ótkergen, biraq BAQ-ta ol basqasha kórinis tapty. Sol kezde ár túrli bandalar ońtústikte de, shyǵysta da soǵysqan. Bul áli de bolady. Sondyqtan eshqandaı jaǵdaıda erkinsip ketýge bolmaıdy. Belarýs Qazaqstan úshin mańyzdy sabaq. Sebebi Qazaqstan men Reseı Belarýs emes. Bul úlken elder. Eger aldyn-ala jumys jasamasa, onda bul "ınfeksıany" jeńý qıyn bolady,– dedi Lýkashenko.

Lýkashenkonyń aıtýynsha, Belarýstegi narazylyqtarǵa eshqandaı sebep bolǵan joq.

Esterińizge sala keteıik, 9 tamyzda Belarýstegi prezıdent saılaýynan keıin azamattardyń jappaı narazylyq aksıalary bastalǵan. Saılaýda Lýkashenko altynshy ret jeńiske jetken edi. Opozısıa ókilderi kandıdat "Svetlana Tıhanovskaıa jeńdi" dep sanaıdy jáne jańa saılaý taǵaıyndaýdy talap etedi.