Megapolıstegi abattandyrylǵan veloınfraqurylymynyń uzyndyǵy 82 shaqyrym.

Almatynyń qalalyq mobıldilik basqarmasy habarlaǵandaı, qysqy maýsymda velosıpedshilerdiń qóaýipsizdigi úshin velojolaqtardan blokıratorlar — bollardtardan alynyp tastalady. Bul joldardy qardan tazartý úshin qajet.

Baıtursynov kóshesi boıyndaǵy uzyndyǵy 2,19 shaqyrym bolatyn ýchaske men Qonaev kóshesi boıyndaǵy uzyndyǵy 2,2 km aýmaq bollardtarmen jabdyqtalǵan. Kóktemde olar óz oryndaryna qaıta qoıylady.

Jalpy, búgingi kúni Almatyda 82 shaqyrym velosıped ınfraqurylymy — velojoldar men velojolaqtar abattandyrylǵan. Atap aıtqanda, Abaı dańǵyly boıyndaǵy bólingen joldar (Dostyq dańǵylynan Ortalyq stadıonǵa deıin); «Atakent» kórme ortalyǵy aýmaǵyndaǵy velojoldar; Tımırázev kóshesi boıyndaǵy (Baıtursynov kóshesinen Jarokov kóshesine deıin); Kablýkov kóshesi boıyndaǵy (Ótepov kóshesinen Toraıǵyrov kóshesine deıin); Toraıǵyrov kóshesi boıyndaǵy (Kablýkov kóshesinen Saıyn kóshesine deıin); Saıyn kóshesindegi (Toraıǵyrov kóshesinen Rysqulbekovtyń ońtústigine qaraı); Jibek joly dańǵylyndaǵy (Ýálıhanov kóshesinen MjDP-ne deıin); Gogol kóshesindegi (Pýshkın kóshesinen Jeltoqsan kóshesine deıin, Qaldaıaqov kóshesinen Qaıyrbekov kóshesine deıin) velojoldar.

Sonymen qatar, kóliktiń qozǵalys bóliginen bólingen velojolaqtar da retke keltirildi. Olar myna kóshelerdiń boılaryna ornalasqan: Baıtursynov kóshesi (Maqataev kóshesinen Tımırázev kóshesine deıin); Qonaev kóshesi (Abaı dańǵylynan Maqataev kóshesine deıin); Maqataev kóshesi (Ýálıhanov kóshesinen Baıtursynov kóshesine deıin); Shevchenko kóshesi (Qonaev kóshesinen Jarokov kóshesine deıin); Buqtyrma kóshesi (Maılın kóshesinen Qulja traktine deıin); Jarokov kóshesi (Tımırázeva kóshesinen Ótepov kóshesine deıin); Ótepový kóshesi (Jarokov kóshesinen Kablýkov kóshesine deıin); Ýálıhanov kóshesi (Raıymbek dańǵylynan Abaı dańǵylyna deıin).

Qazirgi kezde velojoldar jelisin odan ári keńeıtý úshin velosıped ınfraqurylymyn damytýdyń tujyrymdamasy jasalýda.