Almatyda ınternetke qoljetimdilik jáne onyń sapasyn jaqsartý boıynsha kóp jumystar jasaldy. Bul týraly Óńirlik komýnıkasıalar qyzmeti alańynda ótken onlaın-brıfıng barysynda qalanyń Sıfrlandyrý basqarmasynyń basshysy Baıan Qońyrbaev aıtty.

«Bul jumysty biz bir jyl buryn bastadyq. Nátıjesinde bizde Almaty qalasy boıynsha 200-den astam núkte bar, baılanysy nashar bolǵandary jabyldy. Qala jáne aglomerasıa perımetri boıynsha jekemenshik sektordaǵy núktelerdi jabýǵa nazar aýdarylýda», — dep atap ótti B. Qońyrbaev.

Basqaramanyń málimetinshe, QR Sıfrlyq damý, ınovasıalar jáne aeroǵarysh ónerkásibi mınıstrligi uıaly baılanys operatorlarymen birlesip antena-dińgek qurylystaryn salý jáne bazalyq stansıalardy ornatý úshin 67 núkte anyqtalǵan bolatyn. Bul núkteler uıaly baılanys operatorlary men Almaty qalasy ákimdiginiń ókilderimen kelisildi. Barlyq meken-jaılardyń ishinen 6 núkte barlyq qajetti ınstansıalardan oń qorytyndy aldy, bireýi sanıtarlyq normalarǵa qatysty másele boldy, biraq sanıtarlyq pasport alyndy.

«LC Commerce» JSHS kompanıasymen jańa 25 núkte boıynsha zertteýler júrgizildi jáne «MT-S» JSHS-men radıo-josparlaý boıynsha máseleler kelisildi. «Mobaıl Telekom-Servıs» JSHS osy núkteler boıynsha sanıtarlyq pasporttardy alý úshin jumys isteýde.

«Kar-Tel» JSHS 12 jańa stansıany iske qosty, sondaı-aq 3 núkte boıynsha jumystar júrgizilýde. Qosymsha, Almaty qalasynyń jaqyn meken-jaılar boıynsha 9 bazalyq stansıa iske qosyldy.

«Kcell» AQ jańa bazalyq stansıalardy montajdaý boıynsha jumystar júrgizilip jatqan 6 mekenjaı boıynsha Aqjar shaǵyn aýdanyndaǵy Ánshiqum k-si, 1 (Naýryzbaı aýdany), Zará-Vostok shaǵyn aýdanyndaǵy Sadovaıa k-si, 166 (Alataý aýdany) jáne Abaı k-si, 90 (Bostandyq aýdany) stansıany iske qosty. Qalǵan 3 núkte boıynsha jumystar jalǵasýda.

Búgingi tańda Bilim basqarmasymen birlesip ınternetpen qıyndyqtar baıqalatyn núkteler pysyqtalýda, sondaı-aq bilim basqarmasy bergen núkteler boıynsha keminde eki mobıldi operator qamtylǵan.

Sondaı-aq jeke ınvestorlar «Bılaın» kompanıalarynyń jańa stansıasyn iske qosty. Keńsaı shaǵyn aýdanynda aǵymdaǵy jyldyń jeltoqsan aıynyń ortasyna josparlanǵan jańa bazalyq stansıany ornatý boıynsha jumystar júrgizilýde.

«Jańa bazalyq stansıalardy ornatý turǵyndardyń radıofobıasy sıaqty, sondaı-aq, naqty Keńsaı shaǵyn aýdany boıynsha taýly jerler bolǵandyqtan oryn tabý máselesi qıyndaıdy», — dep qorytyndylady B. Qońyrbaev.