300 jyl týraly biletinimiz az, biraq osydan 100 jyl burynǵy Alash ardaqtylarynyń, kúlli alash jurtynyń saıası mádenıeti qazirgiden bir súıem joǵary edi. Basqasyn aıtpaǵanda, bir ǵana oqıǵany mysalǵa alýǵa bolady. Ol 1917 jyldyń jeltoqsan aıynda ótken muqym qazaqtyń İİ sezi. 
Bul sıez ótkelekten ótip, qaǵazǵa jazylǵan senarıden aýytqymaı sóıleıtin kún sáýleli sıez emes. Ol 1917 jyldyń sáýirinen bastap aýyldyq, odan soń bolystyq, odan keıin ýezik hám oblystyq sıezerde talqylanǵan, ábden tolǵaǵy jetken jalpyulttyq máselelerdi ortaǵa salǵan shyn jıyn. Eshqandaı «pokazýhasyz» keńes.
Sezge ár ýez, ár oblystan teńdeı jıylǵan ókil kelgen, proporsıonaldy balans tolyq saqtalǵan. Oblystan tysqary shaqyrylǵandar jáne bar. Bul saıası mádenıet emes pe? 
Han tuqymy tóre, batyrdyń urpaǵy, rýly eldiń betke ustar aqsaqaly demeı, bári bir azamattyq daýysqa ıe. Bul demokratıanyń kórinisi emes pe?
Talqylanatyn máseleler daýysqa túsip, seksıalarǵa bólinip jatsa, baıandamashylar sózinen soń dý qol shapalaq emes, qyp-qyzyl prenıa júrip jatsa, ol sóz bostandyǵy, pikir erkindigi emes pe?
Alashorda tóraǵalyǵyna Á.Bókeıhan, B.Qulmanov, A.Turlybaev daýysqa túsip, 90-nan asyp jyǵylmaı, Álıhannan utylǵan eki kandıdat onymen aýyzdyq shaınasyp kelse, bul balamaly, ádil saılaý emeı nemene?
Avtonomıany jarıalaýdy keıinge qaldyraıyq degen Álıhan tobyna «búgin jarıalaıyq» degen Jahansha toby qarsy shyǵyp, Jahansha qýǵyndalyp ketpeı eki oponenttik top konsensýsqa kelip jatsa, bul demokratıalyq mádenıet bolmaǵanda ne?
Alashordaǵa Álıhannyń Arqanyń jigitterin ǵana jınamaı, 7 oblys qazaqtyń ár oblysynan bir azamattan engizgeni she? 
Iapyr-aı, sol Alashordaǵa Álekeńniń shyǵarda jany ǵana bólek Ahmet pen Mirjaqypty kirgizbeı qoıǵanyn shyqqyr kózder tarıh kitaptarynan kórip otyr emes pe? 
Basqa ne aıtýǵa bolady?

Bolat Múrsálim, Facebook paraqshasynan