"Soltústik Koreıa Japon teńizine eki balıstıkalyq zymyran ushyrdy" dep málimdedi AQSH pen Japonıa.

Bul Djo Baıden AQSH prezıdenti bolǵannan keıingi alǵashqy synaq.

BUU Qaýipsizdik Keńesiniń qararlary boıynsha qaýip tóndiretin qarý dep sanalatyn balıstıkalyq zymyrandardy synaýǵa tyıym salynǵan.

Japonıa da, Ońtústik Koreıa da bul synaqty aıyptady.

Bul oqıǵa Soltústik Koreıanyń Sary teńizge balıstıkalyq emes eki zymyran ushyrǵany týraly habardan birneshe kún ótken soń boldy.

Japonıa óziniń aýmaqtyq sý aıdynyna eshqandaı qaldyq túspegenin málimdedi.

Azıa-Tynyq muhıty aımaǵyndaǵy áskerı kúshterdi baqylaıtyn AQSH-tyń Tynyq muhıty qolbasshylyǵy beısenbide Soltústik Koreıanyń zańsyz qarý-jaraq baǵdarlamasy kórshilerine jáne halyqaralyq qoǵamdastyqqa qaýip tóndiredi dep málimdedi.