Qytaı bıligi "batystyq ıdeıalardy dáripteıtin" jáne "bóten zattardy qamtıtyn" kitaptardy bastaýysh jáne orta mektepterdegi oqý tiziminen jáne kitaphanalardan alyp tastaýǵa buıryq berdi.

Alynyp tastalatyn mazmundardyń qatarynda Bıll Geıts pen Stıv Djobstyń ómirbaıany bar. Olar Qytaıda "AQSH kapıtalızminiń poster balalary" retinde tanymal.

Qytaılyq "Epoch Times" aqparat quralynyń habarlaýynsha, "sheteldikterge tabynatyn" barlyq kitaptar mektepterdiń oqý tiziminen shyǵarylady. Bul búkil el boıynsha 240 mıllıonǵa jýyq bastaýysh jáne orta synyp oqýshylaryna áser etedi.

"Epoch Times" basylymy aqparatynsha, Qytaıdaǵy kitap sóreleri Qytaı tóraǵasy Sı Szınpınniń sózderimen toltyrylǵan. "Beıjińdegi orta mektep sonyń bir mysaly" deıdi basylym. Sondaı-aq mektep Sı men Qytaıdyń Komýnıstik partıasynyń ıdeologıasyn nasıhattaıtyn birneshe kitaptardyń, sonyń ishinde "Qytaı ultynyń uly jasarýynyń qytaılyq armany", Sıdiń sóılegen sózder men qujattar jınaǵynyń qoryn jınaqtaǵan.

Aqparatqa sáıkes, Qytaıdyń bilim berý júıesi men mektepterdegi oqýlyqtardyń mazmuny qatań baqylanady jáne kóbinese partıanyń tarıh nusqasyn kórsetedi. Oqýlyqtarda tek "patrıottyq" materıaldar bar. Keıbir tarıhı oqıǵalar týraly aıtylmaıdy, mysaly, 1989 jylǵy Tánanmen alańyndaǵy demokratıa narazylyqtary jazylmaıdy.

Eldegi tarıhı oqýlyqtarda Okınava araldaryndaǵy Japonıamen daýly araldar, Senkaký araldary "Tek Qytaıǵa tıesili" dep basa aıtylyp, ulttyń terıtorıalyq talaby basa kórsetiledi.