Saıası qýǵyn-súrgin qurbandaryn tolyq aqtaý jónindegi memlekettik komısıa jobalyq ofısiniń basshysy Sabyr Qasymov bólshevıktik-stalındik bıliktiń saıası qýǵyn-súrginniń qurbandaryna qatysty tarıhı ádilettilikti qalpyna keltirý jónindegi jumys bastalǵanyn málim etip, azamattardy zardap shekkenderdi anyqtaý úshin ózderiniń ata-babalarynyń, týystarynyń tarıhı Otanynan qonys aýdarýdaǵy sebepterin, qujattyq kýálikter, saıası qýǵyn-súrgin qurbandarynyń aýyzsha estelikteri men naqty mán-jaılaryn anyqtaý boıynsha kómek jáne járdem kórsete alatynyn habarlaıdy.
Búgingi kúnde memlekettik komısıa sheńberinde kishi komısıalar men jumys toptary jumys istep jatyr. Osy jumys toptarynyń biri arnaıy 1916-1930 jyldar aralyǵynda memlekettiń jazalaýshy aksıalary, asharshylyq pen bolshevıstik-stalındik bıliktiń saıası qýǵyn-súrgin saldarynan Qazaqstannan ketýge májbúr bolǵan qazaqstandyq bosqyndardyń máselelerimen aınalysady.
Qýdalaýǵa ushyraǵan halyqqa qarsy saıası naýqandar men qýǵyn-súrginge jáne muqtajdyq pen asharshylyq saldarynan qalyń buqara óziniń týyp ósken jerin tastap ketýge májbúr boldy. Búginde olardyń 5 mıllıonnan astam urpaǵy (qazaq halqynyń úshten bir bóligi) ózderiniń tarıhı Otanynan tys jerlerde ómir súrýde.
Olar ózderiniń tarıhı Otanynda Prezıdent Q. Toqaevtyń Jarlyǵymen bólshevıktik-stalındik bıliktiń saıası qýǵyn-súrgininiń qurbany bolǵan ata-babalaryna qatysty tarıhı ádilettilikti qalpyna keltirý jónindegi jumys bastalǵanyn bilýge quqyly. Azamattar zardap shekkenderdi anyqtaý úshin ózderiniń ata-babalarynyń, týystarynyń tarıhı Otanynan qonys aýdarýdaǵy sebepterin, qujattyq kýálikter, saıası qýǵyn-súrgin qurbandarynyń aýyzsha estelikteri men naqty mán-jaılaryn anyqtaý boıynsha kómek jáne járdem kórsete alady.
– Osyǵan baılanysty óz otbasynyń tarıhyna jáne saıası qýǵyn-súrgin qurbandaryna qatysty ádiletsizdikke nemquraıly qaramaıtyn jurtshylyqqa júgine otyryp, Keńes ókimetin kúshtep ornatýǵa qarsy bolǵany úshin qýǵyndalǵan, tárkilengen, kóterilisterge qatysqany úshin memlekettik qýdalaýǵa ushyraǵan, Qazaqstan aýmaǵynan ketýge májbúr bolǵan adamdardyń otbasylary men urpaqtaryna qatysty aqparattarmen habardar etýdi suraımyz.
Qonys aýdarýǵa májbúr bolǵan, qýǵynǵa ushyraǵan qurbandardy aqtaýǵa baılanysty qandaıda bir derekke ıe azamattar Memkomıssıanyń jumys tobynyń múshelerine júgine alady. Urpaqtardyń jadynda saqtalǵan epızodtar, qujattar, qonys aýdarylý barysyndaǵy qıynshylyqtar, oqıǵalar, sondaı-aq aýyr synaqtar, ashtyq, aýrýǵa baılanysty ólim, májbúrli qonys aýdarý barysyndaǵy basqa da faktiler bolǵan jaǵdaıda project.office456@gmail.com elektrondyq poshtasyna jiberýdi suraımyz, – deıdi Sabyr Qasymov.
Pikir qaldyrý