Bilim jáne ǵylym mınıstri Asqat Aımaǵambetov mektep bitirýshi túlekterdi sońǵy qońyraý merekesimen quttyqtady, dep habarlady mınıstrliktiń resmı saıty.

– Sizder oqýlaryńyzdy aıaqtap jatyrsyzdar. Keıbir túlekter joǵary oqý oryndaryna nemese kolejderge tússe, endi bireýleri jumys isteıdi. Qalaı bolsa da, aldaǵy ýaqytta sizderdi jańa múmkindikter men jańa ómir belesteri kútip tur.

Birinshiden, eshqashan qıyndyqtarǵa moıymańyzdar. Kózdegen maqsatyńa jetý jolynda áldebireýdiń aıtqanyna ermeı, týra joldan taımaý kerek.

Ekinshiden, qatelesýden qoryqpaý kerek. Qatelik jasalsa, ómir sonymen aıaqtalmaıdy. Barlyq adam qatelesedi.

Úshinshiden, basqalarǵa qaraǵanda erekshe bolýdan uıalmańyzdar. Eń bastysy ózińizge adal bolyńyz. Basqa adamdarmen aralasyp, dos bolyńyzdar. Ata-analaryńa qamqor bolyp, baýyrlaryńyzben baılanysty eshqashan joǵaltpańyzdar, – dedi mınıstr.

Aımaǵabetov myqty túlekterdi pedagog mamandyǵyn tańdaýǵa shaqyrdy. Onyń aıtýynsha, bilim sapasy, eldiń bolashaǵy joǵary oqý oryndaryn aıaqtap shyǵatyn muǵalimderge tikeleı baılanysty.