Májilistiń jalpy otyrysynda depýtat, "Nur Otan" partıasy fraksıasynyń múshesi Darhan Myńbaı premer-mınıstriniń orynbasary Eraly Toǵjanovqa elde týrısik marshrýttarmen saıahattaý kezinde adamdar tap bolatyn qaterlerge qatysy depýtattyq saýal joldady.

Depýtattyń Túrkistan oblysyndaǵy Saıram-Ógem memlekettik ulttyq tabıǵı parkinde 7 stýdenttiń joǵalyp ketkenin, olardyń 3-eýiniń qaza tapqanyn atap ótip, týrısik navıgasıa júıesin, onyń ishinde týrısiń onlaın navıgatoryn jedel engizý qajettigin kóterdi.

"Azamattardyń qaýipsizdigin qamtamasyz etý maqsatynda jáne "Nur Otan" partıasynyń "Ózgerister joly: Ár azamatqa laıyqty ómir!" saılaýaldy baǵdarlamasyndaǵy mindetterdi oryndaý úshin mynalardy usynamyz:

1) Sıfrlyq damý, ınovasıalar jáne aeroǵarysh ónerkásibi jáne Mádenıet jáne sport mınıstrlikteri ıntegrasıalanǵan týrısik navıgasıa qosymshasyn ázirlesin jáne ony basym týrısik aımaqtardyń úzdik ondyǵynyń birinde (Almaty óńiriniń taý klasteri, Túrkistan óńiri, Nur-Sultan qalasy) pılottyq joba retinde iske qossyn.

2) Tótenshe jaǵdaılar mınıstrligi, Kazgıdromet basqa da tıisti qyzmet kórsetetin mekemeler men jergilikti atqarýshy organdar azamattardyń qaýipsizdigin qamtamasyz etý jáne jazataıym jaǵdaıdy bolǵyzbaý úshin áleýmettik jelilerde, BAQ arqyly týrısik marshrýttar boıynsha shuǵyl aýa-raıy boljamy (mysaly, «Kazmeteotýr») basqa da saqtyq sharalary jóninde aqparattyq-túsindirý jumystaryn júrgizsin" delingen aqparattyq habarlamada.

25 mamyrda Túrkistan oblysyndaǵy Saıram-Ógem memlekettik ulttyq tabıǵı parkiniń aýmaǵynda Nazarbaev ýnıversıteti men mektep túlekterinen turatyn 7 adam joǵalǵany habarlanǵan. Týrıser 21 mamyrda "Sary-Aıǵyr" shatqalyna jaıaý bet alǵan. Qutqarýshylarǵa habarlasqan adamnyń aıtýynsha, olar 24 mamyrda úıge oralýy kerek edi. 28 mamyrda joǵalǵan 7 adamnyń 3-eýi tabylǵan. Olar din-aman. Al 29 mamyrda 2 adamnyń denesi tabyldy. Qalǵan  adamnyń taǵdyry ázirge beımálim.

Al 29 mamyr kúni Almaty oblysynyń Sharyn shatqalynda sel júrip, sonyń saldarynan ekspedısıada júrgen muǵalim, ata-ana, oqýshylardan turatyn toptaǵy bir muǵalim men bir oqýshy mert bolyp, oqýshy táýlikke jýyq ýaqyttan keıin tabylǵan. Taǵy 6 adam zardap shekken.