Sharyn shatqalyndaǵy qaıǵyly oqıǵa boıynsha eki qylmystyq is qozǵaldy. Bul týraly Almaty oblystyq polısıa departamenti habarlady.

"Qazaqstan Respýblıkasy Qylmystyq kodeksiniń 306-baby 3-bóligi (abaısyzda adam ólimine ákep soqqan is-áreketter) jáne 141-babynyń 2-bóligi (abaısyzda jas balanyń ólimine ákep soqqan áreket) boıynsha sotqa deıingi tergeý bastaldy. Ózge aqparattar zańǵa sáıkes jarıalanbaıdy" delingen departament taratqan habarlamada.

Tergeý jumystary qaýipsizdik talaptaryna saı qyzmet kórsetpegeni úshin adam ólimine ákep soqqan jaǵdaı jáne balalardyń densaýlyǵy men qaýipsizdiginiń saqtalmaýy boıynsha júrip jatyr.

Eske sala keteıik, 29 mamyr kúni Almaty oblysynyń Sharyn shatqalynda sel júrip, sonyń saldarynan ekspedısıada júrgen muǵalim, ata-ana, oqýshylardan turatyn toptaǵy bir muǵalim men bir oqýshy mert bolyp, bir oqýshy táýlikke jýyq ýaqyttan keıin tabylǵan. Taǵy 6 adam zardap shekken.