Soltústik Koreıa lıderi Kım Chen Ynnyń yqpaldy qaryndasy Kım Ó Chjon Eki Koreıa bitimgershilikke kelýi kerek ekenin málimdedi. 

Kım Ó Chjon eger Ońtústik Koreıa "dushpandyq saıasatyn" toqtatsa, olar Seýlmen kelissózderdi qaıta bastaýǵa daıyn ekenin aıtady.

Túbekti ekige bólgen janjal 1953 jyly beıbit bitimgershilik kelisimimen emes, soǵysty toqtatý bitimimen aıaqtaldy.

Eki el tehnıkalyq turǵyda soǵysyp keledi jáne keıde shıelenisti qarym -qatynasta boldy.

Osy aptada Ońtústik Koreıa prezıdenti Mýn Chje In eki Koreıany  resmı túrde qaqtyǵysty toqtatyp, túbekte beıbitshilik ornatýǵa shaqyrdy. Prezıdent eki jaqtyń odaqtastary, ońtústikti qoldaıtyn AQSH pen soltústiktiń eń iri ekonomıkalyq seriktesi Qytaı da soǵysty aıaqtaý kerek ekenin aıtty.

Bastapqyda bul ıdeıany Soltústik Koreıanyń jetekshi mınıstri "merziminen buryn aıtylǵan" dep qabyldamady.

Biraq juma kúni memlekettik BAQ arqyly jarıalanǵan kútpegen málimdemede Kım hanym bul ıdeıanyń "úmittenerlik jáne tańdanarlyq" ekenin aıtty.

Sonymen qatar, ol ońtústik olarǵa qarsy "dushpandyq saıasatty" toqtatsa, "Soltústik usynysty talqylaýǵa daıyn bolady" dep qosty.