Almatyda jylý ótetin jolda bolǵan apat kezinde 60 jastaǵy áıel adamdy qutqaryp qalǵan Respýblıkasynyń áskerılerge qurmet kórsetildi, dep habarlady QazAqparat.

Qazaqstan İİM İshki áskerleri bas qolbasshysynyń buıryǵymen 5571 áskerı bóliminiń áskerı jasaq basshylary serjant Danıar Dinasylov pen kishi serjanttar Qanat Qoqybaev, Mamyrbek Mahanov, Hamıtjan Álıaqbarovtar «Qoǵamdyq tártipti saqtaǵany úshin» tós belgilerimen marapattalsa, segiz sarbazǵa basshylyq atynan gramotalar tapsyryldy. «20 jeltoqsan kúni Almatyda Raıymbek jáne Naýryzbaı batyr dańǵyldarynyń qıylysynda jylý ótetin qubyr buzylyp, saldarynan jaıaý júrginshiler jolynyń ortasy oıylyp tesildi de ishi ystyq sýǵa tolyp ketti. Dál sol «qaınaǵan qazanǵa» Roza Jetibaeva túsip ketken. Osy ýaqytta qoǵamdyq tártip pen qaýipsizdikti baqylaýshy İshki áskerlerdiń áskerıleri kelip, dereý jedel járdemdi shaqyryp, áıeldi shuńqyrdan aman alyp shyqty. Odan basqa sol oqıǵa ornynda sarbazdar taǵy birneshe zardap shekken adamdarǵa járdem kórsetti», - dep jazylǵan baspasóz qyzmetiniń habarlamasynda. Saltanatty jıyn barysynda zardap shekken áıeldiń jubaıy Erbolat Jetibaev áskerı mindetin óteýshilerge alǵysyn bildirdi.