Shymkent qalasynda aýyl sharýashylyǵy jáne veterınarıa basqarmasynyń uıymdastyrýymen «Qajymuqan» atyndaǵy ortalyq stadıonynda jármeńke ótti.

Jármeńkeniń negizgi maqsaty – áleýmettik mańyzy bar azyq-túlik taýarlarynyń baǵasyn turaqtandyrý, halyqty tıimdi baǵadaǵy qoljetimdi azyq-túlikpen qamtamasyz etý jáne deldaldyq qyzmetti shekteý bolyp tabylady.

Jármeńkege jalpy 200-den astam qala kásipkerleri jáne 50-den astam Túrkistan oblysynyń taýar óndirýshileri qatysyp, qala turǵyndaryna sapaly jáne naryq baǵasynan 10-15 paıyzǵa tómen baǵada azyq-túlik ónimderi satyldy.

Sonymen qatar, Túrkistan oblysynyna qarasty Túlkibas, Tólebı, Otyrar, Qazyǵurt, Saryaǵash, Ordabasy, Báıdibek jáne Shardara aýdandarynyń jeke kásipkerleri qala turǵyndaryna 6 tonna et, 3 tonna sút ónimderi, 15 tonna kartop, 7 tonna jemis-jıdek, 4 tonna qyzanaq, 2 tonna qıar men jemis shyryndaryn usyndy.

Aıta keteıik, jármeńke barysynda karantın talaptary qatań saqtalyp, dezınfeksıalyq ótkelder ornalastyrylyp, tótenshe jaǵdaı, jedel járdem, órt sóndirý qyzmetteri jumyldyryldy.

Shymkent qalasynyń Aqparattyq-kommýnıkasıalyq ortalyǵy