2020 jyldan bastap Qazaqstanda turǵyn úıdi basqarýdyń nysandary ózgerdi. Páter ıeleri kooperatıvteri (PIK) ornyna turǵyn úıdi basqarýdyń jańa formalary engizildi. Iaǵnı, PIK-ti (KSK) múlik ıeleri birlestigi (MIB - OSI) almastyrdy.

Osy oraıda turǵyndardyń barlyǵy ortaq úılerin kútimge alyp, janashyrlyq tanytýy tıis. Shahar turǵyndaryna bul turǵydan qoldaý kórsetilipte keldi. Atap aıtqanda burynǵy KSK-niń ornyna múlik ıeleriniń birlestigi (MIB) nemese jaı seriktestik (JS) uǵymy qoldanysqa engizilip, kóp páterli úıler búginde jańa formamen basqarylýda.

Jańa basqarý formasynyń artyqshylyǵy, múlik ıeleriniń birlestigi (MIB) nemese jaı seriktestiktiń turǵyndar úshin tıimdi jaǵy – kóp qabatty úıge qatysty qandaı jumys istelgeni, qandaı servıstik mekemelerdiń qyzmetin tutynǵany ashyq kórinedi. Ár úıdiń óz esep-shoty bolady, turǵyndar jınaǵan qarjyny ózderi maqsatty túrde jumsaı alady. Jınalǵan qarjyny qaıda jumsaǵanyn revızıalyq komısıamen birge baqylaýǵa bolady, sosyn jumys nátıjesi boıynsha turǵyndarǵa esep beriledi. MIB qurylsa, aýladaǵy qoqysty tazartý, qar tazalaý nemese jóndeý júrgizý sekildi jumystardyń qalaı atqarylyp jatqany baqylaýda bolmaq. Esepti basqarýshy beredi. Aı saıyn jumysty atqarǵan mekeme-fırmalarǵa qyzmet aqysy bank arqyly tólenedi.

Ol úshin páterlerdiń, turǵyn emes úı-jaılardyń ıeleri jalpy kezdesý ótkizip, ortaq múlikti basqarý jáne kútip-ustaý boıynsha óz múddelerin qorǵaıtyn úı keńesiniń múshelerin saılaıdy. Kondomınıým obektisin basqarý nysany nemese basqarý formasyn tańdaý úshin osyndaı ókiletti úı keńesine beredi. Sodan keıin úıdi basqarýdyń eki formasynyń birin tańdaý qajet:
* Múlik ıeleriniń birlestigi – turǵyn emes úı-jaıdaǵy páter ıeleri qurǵan zańdy tulǵa;
* Jaı seriktestik – zańdy tulǵa qurmaı, páterlerdiń jáne turǵyn emes úı-jaılardyń barlyq ıelerin tikeleı birlesip basqarý.
Turǵyndar odan ári MIB (JS) tóraǵasyn, tekserý komısıasynyń quramyn saılaıdy. Aıta keteıik, birlestik tóraǵasy komısıaǵa múshe bola almaıdy. Aǵymdaǵy shottaǵy qarjy kúndelikti jumystarǵa jumsalsa, jınaqtaý shotyndaǵy qarjy arqyly keıin tómen paıyzben qomaqty qarjy nesıege alyp, mysaly, úıdi tolyq jóndeýge, shatyryn aýystyrýǵa jumsaýǵa bolady.

Búginde Shymkent qalasy boıynsha 2 komýnaldyq kópqabatty turǵyn úıde MIB qurylyp, 15 komýnaldyq kópqabatty turǵyn úıde MIB qurý boıynsha túsindirý jumystary júrgizilip, tıisti qujattary daıyndalýda.

Shymkent qalasynyń Aqparattyq-kommýnıkasıalyq ortalyǵy