Qazaqstandyq úsh belgili vaıner Meıirjan Tórebaev, Meıirjan Shernıazov, Azımjan Saıdbaev qarjy pıramıdasyna jetekshilik etti degen kúdikke ilingeni habarlandy.

Almaty tergeý soty bultartpas sharasyn sanksıalaǵan. Áleýmettik jeli juldyzdary qylmystyq kodekstiń 217-baby 3-bóligi 2-pýnkti (Qarjylyq (ınvestısıalyq) pıramıdany qurý jáne oǵan basshylyq etý: asa iri mólsherde aqshany nemese ózge múlikti tarta otyryp jasalǵan) boıynsha aıyptalyp otyr.

Qazirgi ýaqytta Tórebaev pen Shernıazov 1000 AEK mólsherinde (3 063 000 tenge) kepil ótep, bosatylǵany, Saıdbaevty polısıa áli tappaǵanyn, ony syrttaı eki aıǵa qamaý týraly sheshim shyqqany belgili.

Vaınerlerdiń eshqaısysy bolǵan jaıtqa baılanysty pikir bildirgen joq.

Meıirjan Tórebaev instagram-daǵy stories-ke Shymbulaqta demalyp júrgenin salsa, Meıirjan Shernıazov stories-ke sońǵy ret 20 saǵat buryn shyqqan. Azımjan Saıdbaev instagram paraqshasyna 4 jeltoqsannan beri eshteńe salmaǵan.