Jambyl oblysy polısıa departamentiniń bastyǵy bolyp Armanbek Baımýrzın taǵaıyndaldy, dep habarlady Polisia.kz saıty.
Armanbek Baımýrzın 1974 jyly dúnıege kelgen.
1992 jyldan bastap ishki ister organdarynda qyzmet atqaryp keledi.
2004-2012 jyldary İİM krımınaldyq polısıa komıtetiniń basshysy boldy.
Ár jyldary Jambyl oblysy İshki ister departamenti bastyǵynyń birinshi orynbasary, İshki ister mınıstrligi krımınaldyq polısıa departamentiniń bastyǵy laýazymdaryn atqardy.
2019 jyldyń qazanynan Aqmola oblysy polısıa departamentiniń bastyǵy qyzmetin atqaryp keledi.
Armanbek Baımýrzınge deıin Jambyl oblysy polısıa departamentin general Janat Súleımenov basqarǵan. Ol qańtar oqıǵasynan keıin ózine qol salyp qaıtys bolǵan.
Jýrnalıs Mıhaıl Kozachkov óziniń telegram-kanalynda Tarazdaǵy tártipsizdikten keıin Janat Súleımenovtyń ústinen qylmystyq is qozǵalǵany týraly habarlaǵan.
